ខេត្តក្រចេះ ៖ អត្រាគ្រោះថ្នាក់ចរាចរណ៍នៅទូទាំងខេត្តក្រចេះ ក្នុងខែមិថុនា បានកើតឡើងចំនួន១៥លើក ប្រៀបធៀបខែឧសភាថយចុះ៤លើក ក្នុងនោះស្រុកស្នួលមានអត្រាកើតឡើងខ្ពស់ជាងគេ ។ អត្រាគ្រោះថ្នាក់ដែលបានកើតឡើងទាំង១៥លើកនេះ គឺបង្កដោយខ្លួនឯងចំនួន៣លើក ។
ខេត្តក្រចេះ ៖ អត្រាគ្រោះថ្នាក់ចរាចរណ៍នៅទូទាំងខេត្តក្រចេះ ក្នុងខែមិថុនា បានកើតឡើងចំនួន១៥លើក ប្រៀបធៀបខែឧសភាថយចុះ៤លើក ក្នុងនោះស្រុកស្នួលមានអត្រាកើតឡើងខ្ពស់ជាងគេ ។ អត្រាគ្រោះថ្នាក់ដែលបានកើតឡើងទាំង១៥លើកនេះ គឺបង្កដោយខ្លួនឯងចំនួន៣លើក ។
មន្ត្រីជំនាញចរាចរណ៍ បានសន្និដ្ឋានថា មូលហេតុដែលបង្កឱ្យកើតមានគ្រោះថ្នាក់ទាំងនេះ បណ្តាលមកពីការបើកជែង បើកបរមិនគោរពសិទ្ធិអាទិភាព និងបើកបរល្បឿនលើសកំណត់ ។ ក្នុងគ្រោះថ្នាក់ទាំងនេះ បង្កឡើងដោយរថយន្តបុកជាមួយម៉ូតូ៧លើក ម៉ូតូបុកម៉ូតូ២លើក ម៉ូតូបុកអ្នកថ្មើរជើង១លើក ម៉ូតូកៀរម៉ូតូ១លើក រថយន្តបុករថយន្ត១លើក និងជិះម៉ូតូដួលខ្លួនឯង៣លើក ។ គ្រោះថ្នាក់ទាំងនេះបង្កឱ្យមនុស្សស្លាប់ចំនួន៨នាក់ ស្រី១នាក់ ប្រៀបធៀបខែឧសភាថយចុះ៤នាក់ ស្មើរនឹងជាង៣៣% ។ បង្កឱ្យមនុស្សរងរបួសស្រាល២នាក់ របួសធ្ងន់១០នាក់ ស្រី២នាក់ ។
នគរបាលជំនាញចរាចរណ៍បានឱ្យដឹងថា រាល់ករណីគ្រោះថ្នាក់ចរាចរណ៍ទាំងនេះ មន្ត្រីជំនាញចរាចរណ៍កំពុងដំណើរការតាមផ្លូវច្បាប់ ហើយវត្ថុតាងមួយចំនួនត្រូវបានយកមករក្សាទុកនៅស្នងការដ្ឋាន និងមួយចំនួនទៀតបញ្ជូនទៅអធិការដ្ឋានស្រុក-ក្រុង ដោះស្រាយបន្ត ៕
ចែករំលែកព័តមាននេះ