ទីភ្នាក់ងារព័ត៌មានបរទេសកាលពីថ្ងៃទី១១ មិថុនាកន្លងមកផ្សាយថា ក្រុមហ៊ុនហ៊ីតាឈី (Hitachi) ប្រទេសជប៉ុន បានទទួលប័ណ្ណបញ្ជាទិញរថភ្លើងចំនួន៥០ទូ រួមទាំងផ្លូវរថភ្លើងពីប្រទេសវៀតណាម ។ ហ៊ីតាឈីជាក្រុមហ៊ុនដ៏ធំរបស់ប្រទេសជប៉ុនបានប្រកាសថា ខាងក្រុមហ៊ុននឹងគ្រប់គ្រងខ្សែរថភ្លើង និងបណ្តាញផ្លូវដោយមានគម្រោងបើកឱ្យប្រើប្រាស់នៅដើមឆ្នាំ២០១៨ ទៅទីក្រុងហូជីម៉ីញ
ទីភ្នាក់ងារព័ត៌មានបរទេសកាលពីថ្ងៃទី១១ មិថុនាកន្លងមកផ្សាយថា ក្រុមហ៊ុនហ៊ីតាឈី (Hitachi) ប្រទេសជប៉ុន បានទទួលប័ណ្ណបញ្ជាទិញរថភ្លើងចំនួន៥០ទូ រួមទាំងផ្លូវរថភ្លើងពីប្រទេសវៀតណាម ។ ហ៊ីតាឈីជាក្រុមហ៊ុនដ៏ធំរបស់ប្រទេសជប៉ុនបានប្រកាសថា ខាងក្រុមហ៊ុននឹងគ្រប់គ្រងខ្សែរថភ្លើង និងបណ្តាញផ្លូវដោយមានគម្រោងបើកឱ្យប្រើប្រាស់នៅដើមឆ្នាំ២០១៨ ទៅទីក្រុងហូជីម៉ីញ ប្រទេសវៀតណាម ។
តម្រូវការបញ្ជាទិញលើកនេះមានតម្លៃជាង៣៧០លានដុល្លារ ។ ក្រៅពីនេះខាងក្រុមហ៊ុនហ៊ីតាឈី ក៏នៅមានគម្រោងបង្កើនការវិនិយោគទុនលើរថភ្លើង នៅឯបរទេសប្រហែល៦០% ក្នុងអំឡុងពេល៣ឆ្នាំខាងមុខដែរ ។ រដ្ឋាភិបាលជប៉ុនបានព្យាយាមបញ្ចេញប្រាក់យេនសម្រាប់កម្ចីដល់ក្រុមហ៊ុនជប៉ុន ដើម្បីទ្រទ្រង់ឱ្យមានការបង្កើតគ្រោងសំណង់ជាលក្ខណៈមូលដ្ឋានគ្រឹះនៅបរទេស ។
គួរបញ្ជាក់ថា កាលពីច្រើនឆ្នាំកន្លងមក ក្រុមហ៊ុនផ្នែកផលិតផលពីជប៉ុន និងបរទេសបានធ្វើការប្រកាសដេញថ្លៃលើកិច្ចសន្យា ក្នុងបណ្តាប្រទេសនានានៅអាស៊ាន ព្រោះបណ្តាប្រទេសនានា រមែងចាប់អារម្មណ៍លើសេវាកម្មរថភ្លើងកាន់តែច្រើន ដើម្បីកាត់បន្ថយចំនួនរថយន្តធ្វើចរាចរណ៍នៅទីក្រុង ដែលធ្វើឱ្យមានការកកស្ទះ ៕
ចែករំលែកព័តមាននេះ