វៀតណាមចាប់ផ្តើមប្រើច្បាប់ប្រហារជីវិតអ្នកទោសចាប់ពីថ្ងៃទី២៧ មិថុនា ២០១៣តទៅ។ មានអ្នកទោស១៧០នាក់ ក្នុងចំណោមអ្នកទោសត្រូវប្រហារជីវិតជាង៥០០នាក់ ត្រៀមអនុវត្តតាមច្បាប់នោះ ។ នេះបើតាមការបង្ហើបឱ្យដឹងរបស់រដ្ឋមន្ត្រីក្រសួងសន្តិសុខ។
ច្បាប់ស្តីពីការប្រហារជីវិតអ្នកទោសដោយចាក់ថ្នាំពុលរបស់រដ្ឋាភិបាលវៀតណាម មានសុពលភាពចាប់ពីថ្ងៃទី២៧ មិថុនា ២០១៣
វៀតណាមចាប់ផ្តើមប្រើច្បាប់ប្រហារជីវិតអ្នកទោសចាប់ពីថ្ងៃទី២៧ មិថុនា ២០១៣តទៅ។ មានអ្នកទោស១៧០នាក់ ក្នុងចំណោមអ្នកទោសត្រូវប្រហារជីវិតជាង៥០០នាក់ ត្រៀមអនុវត្តតាមច្បាប់នោះ ។ នេះបើតាមការបង្ហើបឱ្យដឹងរបស់រដ្ឋមន្ត្រីក្រសួងសន្តិសុខ។
ច្បាប់ស្តីពីការប្រហារជីវិតអ្នកទោសដោយចាក់ថ្នាំពុលរបស់រដ្ឋាភិបាលវៀតណាម មានសុពលភាពចាប់ពីថ្ងៃទី២៧ មិថុនា ២០១៣តទៅ ។ ក្នុងពេលបច្ចុប្បន្ន អាជ្ញាធរត្រៀមអ្នកទោសចំនួន១៧០នាក់ សម្រាប់អនុវត្តតាមច្បាប់នោះ ។ ទោះជាយ៉ាងណាក៏ដោយ នៅមិនទាន់កំណត់ពេលប្រហារជីវិតអ្នកទោសទាំងនោះនៅឡើយ ប៉ុន្តែអាជ្ញាធរបានត្រៀមទីតាំងទុកចំនួន៣ក្នុងចំណោម៥កន្លែង និងត្រូវចាក់ថ្នាំពុលដោយមន្ត្រីជំនាញដែលទទួលបានការហ្វឹកហ្វឺនល្អ។
វៀតណាមបានប្រកាសប្រើច្បាប់កាត់ទោសបែបនោះកាលពីឆ្នាំ២០១១ ដោយមានអ្នកទោសត្រូវប្រហារជីវិតជាង៥០០នាក់ ប៉ុន្តែមិនអាចដំណើរការបាន ព្រោះស្ថិតក្នុងអំឡុងពេលនៃការប្រើប្រាស់ច្បាប់ថ្មីទាក់ទិននឹងការប្រហារជីវិត ខណៈពេលសភាបានលុបចោលការប្រហារជីវិតដោយប្រើវិធីសាស្ត្របាញ់ស៊ីប ទៅចាក់ថ្នាំពុលជំនួសវិញ ។
កន្លងមក វៀតណាម បានពន្យារពេលការចូលជាធរមានច្បាប់ស្តីពីប្រហារជីវិតដោយចាក់សារធាតុពុល ព្រោះក្រសួងពាក់ព័ន្ធមិនអាចដំណើរការបាន និងយល់ថា វិធីសាស្ត្រថ្មីត្រូវចំណាយដើមទុនខ្ពស់ ។ មកដល់ខែឧសភា ២០១៣ ច្បាប់មួយផ្សេងទៀតបានអនុញ្ញាតឱ្យប្រើសារធាតុពុលដែលផលិតក្នុងប្រទេស សម្រាប់ប្រហារជីវិតអ្នកទោស ៕
ចែករំលែកព័តមាននេះ