ខេត្តព្រះសីហនុ ៖ មនុស្ស៤នាក់ត្រូវ បញ្ជូនទៅព្យាបាលនៅគ្លីនិកឯកជន បន្ទាប់ពីពួកគេជិះម៉ូតូបុកគ្នាពេញទំហឹង កាលពីវេលាម៉ោង៤និង៥០នាទីរសៀល ថ្ងៃទី១១ មិថុនា នៅចំណុចក្បែរបេនឡានមួយកន្លែងក្នុងសង្កាត់លេខ៤ ក្រុងព្រះសីហនុ ។
ប៉ូលិសឱ្យដឹងថា ករណីគ្រោះថ្នាក់ចរាចរណ៍នេះ បណ្តាលឱ្យស្ត្រី២នាក់ម្នាក់ឈ្មោះ ចន ចាន់ណែត អាយុ២៨ឆ្នាំ រងរបួសស្រាល
ខេត្តព្រះសីហនុ ៖ មនុស្ស៤នាក់ត្រូវ បញ្ជូនទៅព្យាបាលនៅគ្លីនិកឯកជន បន្ទាប់ពីពួកគេជិះម៉ូតូបុកគ្នាពេញទំហឹង កាលពីវេលាម៉ោង៤និង៥០នាទីរសៀល ថ្ងៃទី១១ មិថុនា នៅចំណុចក្បែរបេនឡានមួយកន្លែងក្នុងសង្កាត់លេខ៤ ក្រុងព្រះសីហនុ ។
ប៉ូលិសឱ្យដឹងថា ករណីគ្រោះថ្នាក់ចរាចរណ៍នេះ បណ្តាលឱ្យស្ត្រី២នាក់ម្នាក់ឈ្មោះ ចន ចាន់ណែត អាយុ២៨ឆ្នាំ រងរបួសស្រាល និងម្នាក់ទៀតឈ្មោះ ឡេង ស្រីណាក់ អាយុ២៤ឆ្នាំ ដែលបើកម៉ូតូមា៉កហ្វុ៊ីណូ ពណ៌ក្រមៅ៉ ពាក់ស្លាកលេខ ក្រុងព្រះសីហនុ 1A-3456 រងរបួសស្រាល បន្ទាប់ពីបុកជាមួយម៉ូតូមួយគ្រឿងទៀតមា៉កអាយខន ពណ៌ផ្កាឈូក គ្មានស្លាកលេខ បើកដោយយុវជនឈ្មោះ គឺម តាក់ ភេទប្រុស អាយុ១៨ឆ្នាំ ជាសិស្ស មានលំនៅភូមិ១ សង្កាត់លេខ២ ក្រុងព្រះសីហនុ រងរបួសស្រាល រួមដំណើរជាមួយយុវជនម្នាក់ទៀតឈ្មោះវ៉ន វិច្ឆិកា ហៅម៉ន ភេទប្រុស អាយុ១៨ឆ្នាំ មានលំនៅក្រុម១២ ភូមិ១ សង្កាត់លេខ២ រងរបួសបាក់ជើងឆ្វេង ។
សាក្សីនិយាយថា មុនកើតហេតុស្ត្រីទាំង២នាក់ជិះម៉ូតូមា៉កហ្វុ៊ីណូ ចេញពីស្ថានីយប្រេងឥន្ធនៈ ហើយជិះបញ្ច្រាសផ្លូវពីជើងទៅត្បូង ពេលមកដល់ចំណុចកើតហេតុ ប្រុងឆ្លងផ្លូវស្រាប់តែម៉ូតូអាយខនជិះគ្នា២នាក់ បើកយា៉ងលឿនពីត្បូងទៅជើង ហើយជ្រុលបុកគ្នាពេញទំហឹង បណ្តាលឱ្យអ្នកជិះម៉ូតូទាំងអស់ដេកដួលរបួសពេញផ្លូវ បន្ទាប់មកជនរងគ្រោះជាស្ត្រីទាំងពីរនាក់ ត្រូវដឹកតាមរ៉ឺម៉កម៉ូតូទៅព្យាបាលរបួសនៅគ្លីនិកឯកជន ឯជនរងគ្រោះ២នាក់ទៀតត្រូវរថយន្តសង្គ្រោះចំនួន២ មកដឹកទៅព្យាបាលនៅគ្លីនិកផ្សេងគ្នា ។ក្រោយកើតហេតុ ម៉ូតូត្រូវសមត្ថកិច្ចយកទៅរក្សាទុកនៅការិយាល័យចរាចរណ៍ជើងគោកខេត្ត ដើម្បីដោះស្រាយនៅពេលក្រោយ ៕
ចែករំលែកព័តមាននេះ