រាជធានីភ្នំពេញ ៖ បុរសម្នាក់ជាសន្ដិសុខយាមនៅក្រុមហ៊ុនដំឡើងមូ៉តូហុងដាបានរងរបួសធ្ងន់បញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត បន្ទាប់ពីត្រូវរថយន្ដដឹកមាន់មួយគ្រឿងបើកបោះពួយក្នុងល្បឿនលឿនជ្រុលបុកពេញទំហឹង ខណៈរូបគាត់កំពុងឈរបញ្ជារថយន្ដបើកចេញពីក្រុមហ៊ុន ។
រាជធានីភ្នំពេញ ៖ បុរសម្នាក់ជាសន្ដិសុខយាមនៅក្រុមហ៊ុនដំឡើងមូ៉តូហុងដាបានរងរបួសធ្ងន់បញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត បន្ទាប់ពីត្រូវរថយន្ដដឹកមាន់មួយគ្រឿងបើកបោះពួយក្នុងល្បឿនលឿនជ្រុលបុកពេញទំហឹង ខណៈរូបគាត់កំពុងឈរបញ្ជារថយន្ដបើកចេញពីក្រុមហ៊ុន ។
ឧប្បត្ដិហេតុគ្រោះថ្នាក់ចរាចរណ៍នោះកើតឡើងកាលពីវេលាម៉ោង៥និង១០នាទីព្រឹក ថ្ងៃទី១២ មិថុនា នៅលើកំណាត់ផ្លូវចោមចៅ អតីតផ្លូវវេងស្រេងត្រង់ចំណុចភូមិចោមចៅ សង្កាត់ចោមចៅ ខណ្ឌពោធិ៍សែនជ័យ ។ បុរសរងគ្រោះឈ្មោះ ព្រំ សុភា អាយុ៥៣ឆ្នាំ ជាសន្ដិសុខយាមនៅក្រុមហ៊ុនដំឡើងមូ៉តូហុងដា មានស្រុកកំណើតភូមិប្រសព្វល័ក្ខ ឃុំបាទី ស្រុកចន្ទ្រា ខេត្ដស្វាយរៀង ស្នាក់នៅផ្ទះជួល ក្នុងភូមិថ្មគោល សង្កាត់ចោមចៅ ខណ្ឌពោធិ៍សែនជ័យ ។ ដោយឡែករថយន្ដដឹកមាន់ ម៉ាកនីស្សាន់ ពណ៌ស ពាក់ស្លាកលេខ ភ្នំពេញ2F-6315 បើកដោយបុរសមិនស្គាល់ឈ្មោះម្នាក់ ។ ក្រោយពេលកើត បានរត់គេចខ្លួនបាត់ស្រមោល ។
សាក្សីនិយាយថា មុនពេលកើតហេតុ ជនរងគ្រោះឈរតាមផ្លូវស៊ីញ៉ូឱ្យរថយន្ដមួយគ្រឿងបើកចេញពីក្រុមហ៊ុន ខណៈនោះស្រាប់តែរថយន្ដបើកបោះពួយយ៉ាងលឿន ក្នុងទិសដៅពីកើតទៅលិច ជ្រុលបុកពេញទំហឹងបណ្ដាលឱ្យដួលផ្កាប់មុខសន្លប់ស្ដូកស្ដឹង ហើយរថយន្ដបានបើករត់គេចបានចម្ងាយប្រមាណ២០០ម៉ែត្រទើបឈប់ ហើយអ្នកបើកបានចុះរត់គេចបាត់ ។ ក្រោយពេលកើតហេតុ ជនរងគ្រោះត្រូវបានបញ្ជូនទៅមន្ទីរពេទ្យកាល់ម៉ែត ដើម្បីសង្គ្រោះ ។ ចំណែករថយន្ដត្រូវសមត្ថកិច្ចវាស់វែងរួចយកទៅរក្សាទុកនៅអធិការដ្ឋាននគរបាល រង់ចាំដោះស្រាយតាមច្បាប់ ៕
ចែករំលែកព័តមាននេះ