រាជធានីភ្នំពេញ ៖ បុរសម្នាក់ជិះម៉ូតូវីវ៉ា ពណ៌ខ្មៅ ពាក់ស្លាកលេខ ឆ៥៤៧២ ភព១ បានវ៉ារ៉ឺម៉កម៉ូតូមួយគ្រឿង ក៏ជ្រុលទៅបុករថយន្ដប្រមូលសំរាមរបស់ក្រុមហ៊ុនមួយ បណ្ដាលឱ្យដួលសន្លប់ ឯអ្នកបើករថយន្ដស្មានថាជនរងគ្រោះស្លាប់ក៏រត់គេចខ្លួនបាត់ ។ គ្រោះថ្នាក់ចរាចរណ៍នេះកើតឡើងកាលពីវេលាម៉ោង១និង៣០នាទីរំលងអធ្រាត្រ ឈានចូលថ្ងៃទី១២ មិថុនា តាមបណ្ដោយផ្លូវលេខ
រាជធានីភ្នំពេញ ៖ បុរសម្នាក់ជិះម៉ូតូវីវ៉ា ពណ៌ខ្មៅ ពាក់ស្លាកលេខ ឆ៥៤៧២ ភព១ បានវ៉ារ៉ឺម៉កម៉ូតូមួយគ្រឿង ក៏ជ្រុលទៅបុករថយន្ដប្រមូលសំរាមរបស់ក្រុមហ៊ុនមួយ បណ្ដាលឱ្យដួលសន្លប់ ឯអ្នកបើករថយន្ដស្មានថាជនរងគ្រោះស្លាប់ក៏រត់គេចខ្លួនបាត់ ។ គ្រោះថ្នាក់ចរាចរណ៍នេះកើតឡើងកាលពីវេលាម៉ោង១និង៣០នាទីរំលងអធ្រាត្រ ឈានចូលថ្ងៃទី១២ មិថុនា តាមបណ្ដោយផ្លូវលេខ២៧៣ ក្នុងភូមិទួលគោក សង្កាត់ទួលសង្កែ ខណ្ឌឫស្សីកែវ ។
សាក្សីនិយាយថា មុនពេលកើតហេតុ រថយន្ដប្រមូលសំរាមខាងលើ បើកពីលិចទៅកើត ចំណែកម៉ូតូវីវ៉ាជិះពីកើតទៅលិច ខណៈមកដល់ចំណុចខាងលើ ម៉ូតូបានវ៉ារ៉ឺម៉កម៉ូតូក៏ជ្រុលទៅបុករថយន្ដប្រមូលសំរាម បណ្ដាលឱ្យដួលសន្លប់នៅកណ្ដាលផ្លូវ ហើយអ្នកបើករថយន្ដស្មានថាជនរងគ្រោះស្លាប់ ក៏ចុះពីរថយន្ដរត់បាត់។
ក្រោយពេលកើតហេតុ រថយន្ដសង្គ្រោះដឹកជនរងគ្រោះទៅព្យាបាល តែជនរងគ្រោះដឹងខ្លួនវិញប្រកែកមិនព្រមជិះ ។ រថយន្ដប្រមូលសំរាមបានឱ្យតំណាងចេញមកចរចាជាមួយជនរងគ្រោះ ហើយព្រមព្រៀងសងសំណងដើម្បីបញ្ចប់រឿង ៕
ចែករំលែកព័តមាននេះ