សារព័ត៌មានកូរ៉េខាងត្បូងរាយការណ៍ថា ការចរចាអន្តររដ្ឋាភិបាលកម្រិតខ្ពស់ ដែលគ្រោងធ្វើរវាងកូរ៉េទាំង២នាថ្ងៃទី១២ និង១៣ មិថុនា នៅក្រុងសេអ៊ូលនោះត្រូវបានលុបចោលវិញកាលពីថ្ងៃទី១១ មិថុនា មកពីការខ្វែងគំនិតគ្នារបស់ភាគីទាំង២លើការតែងតាំងប្រមុខគណៈប្រតិភូ ។
សារព័ត៌មានកូរ៉េខាងត្បូងរាយការណ៍ថា ការចរចាអន្តររដ្ឋាភិបាលកម្រិតខ្ពស់ ដែលគ្រោងធ្វើរវាងកូរ៉េទាំង២នាថ្ងៃទី១២ និង១៣ មិថុនា នៅក្រុងសេអ៊ូលនោះត្រូវបានលុបចោលវិញកាលពីថ្ងៃទី១១ មិថុនា មកពីការខ្វែងគំនិតគ្នារបស់ភាគីទាំង២លើការតែងតាំងប្រមុខគណៈប្រតិភូ ។
កូរ៉េខាងត្បូងនិងកូរ៉េខាងជើងបានព្រមព្រៀងគ្នាកាលពីថ្ងៃទី១០ មិថុនា ក្នុងឱកាសនៃកិច្ចប្រជុំការងារមួយនៅភូមិជាប់ព្រំដែន ប៉ានមុនហ្សូមរៀបចំធ្វើការចរចាកម្រិតខ្ពស់មួយដើម្បីដោះស្រាយបញ្ហាទាំងឡាយរវាងកូរ៉េទាំង២ ។ ក៏ប៉ុន្តែភាគីទាំង២ពុំបានព្រមព្រៀងគ្នាលើរបៀបវារៈនៃការជួបគ្នា និងលើការតែងតាំងប្រមុខគណៈប្រតិភូរបស់ភាគីនីមួយៗ ។
កូរ៉េខាងត្បូងគូសបញ្ចាក់ថា ខ្លួននឹងបញ្ជូនរដ្ឋមន្ត្រីបង្រួបបង្រួមលោក RYON KIHL-JAE ហើយចង់ឱ្យលោកKIM YANG GON លេខាគណៈកម្មាធិការកណ្តាលបក្សពលករកូរ៉េខាងជើងចូលរួមក្នុងកិច្ចប្រជុំផ្លូវការ ។កិច្ចប្រជុំកម្រិតខ្ពស់រយៈពេល២ថ្ងៃនោះ មានគោលបំណងពិភាក្សាលើសំណុំរឿងទាំងឡាយដូចជាការធ្វើឱ្យមានប្រក្រតីភាពឡើងវិញនៃប្រតិបត្តិការនៅតំបន់ឧស្សាហកម្មកាអីសុង ការបើកឱ្យមានសកម្មភាពទេសចរណ៍ឡើងវិញនៅភ្នំKUNGANG និងការជួបជុំបណ្តាគ្រួសារដែលព្រាត់ប្រាសគ្នាដោយសារសង្គ្រាមកូរ៉េ ៕
ចែករំលែកព័តមាននេះ