ខេត្តមណ្ឌលគិរី ៖ នៅវេលាម៉ោង១១និង៤៦នាទី ថ្ងៃទី១២ ខែវិច្ឆិកា ឆ្នាំ២០១៨ នៅភូមិចំបក់សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី មានករណីលួចដោយហឹង្សាបង្កឡើងដោយជនបរទេសបានវាយយកម៉ូតូរបស់ប្រជាពលរដ្ឋដែលធ្វើដំណើរតាមផ្លូវ រួចជិះយកទៅផ្ទះជួលដោះយកគ្រឿងរបស់ម៉ូតូចេញក្នុងគោលបំណងកុំអោយម្ចាស់រកឃើញ ។
ជនសង្ស័យឈ្មោះ Christopher Alexender ភេទប្រុស អាយុ៣៤ឆ្នាំ ជាជនជាតិអាល្លឺមង់ ស្នាក់នៅបណ្តោះអាសន្នផ្ទះជួល ស្ថិតក្នុងភូមិដើមស្រល់ សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី កាន់លិខិតឆ្លងដែនលេខ C4KX801XC ។
តាមការធ្វើតេស្តបង្ហាញថា ជននេះមានសារធាតុញៀន ជនសង្ស័យខាងលើត្រូវបាននាំខ្លួនទៅ កាន់ស្នងការដ្ឋាននគរបាលខេត្តដើម្បីកសាងសំណុំរឿងតាមនីតិវិធី ៕
ចែករំលែកព័តមាននេះ