ខេត្តប៉ៃលិន ៖ បុរសចំណាស់ម្នាក់រងរបួសបាក់ជើងខាងស្តាំ បញ្ជូនទៅសង្គ្រោះនៅមន្ទីរពេទ្យបង្អែកខេត្ត ដោយសាររថយន្តមួយគ្រឿងម៉ាកហ្វតបើកពីលិចទៅកើត ហើយបានបើកភ្លើងស៊ីញ៉ូបត់ក្រោយភ្លាមៗ បណ្តាលឱ្យម៉ូតូជាន់ហ្វ្រាំងមិនទាន់ជ្រុលបុកគូទរថយន្ត ។
ខេត្តប៉ៃលិន ៖ បុរសចំណាស់ម្នាក់រងរបួសបាក់ជើងខាងស្តាំ បញ្ជូនទៅសង្គ្រោះនៅមន្ទីរពេទ្យបង្អែកខេត្ត ដោយសាររថយន្តមួយគ្រឿងម៉ាកហ្វតបើកពីលិចទៅកើត ហើយបានបើកភ្លើងស៊ីញ៉ូបត់ក្រោយភ្លាមៗ បណ្តាលឱ្យម៉ូតូជាន់ហ្វ្រាំងមិនទាន់ជ្រុលបុកគូទរថយន្ត ។
ហេតុការណ៍នេះកើតឡើងនៅវេលាម៉ោង១២និង៣០នាទីរសៀលថ្ងៃទី១១ មិថុនា ស្ថិតនៅភូមិអូរតាពុកលើ សង្កាត់ប៉ៃលិន ក្រុងប៉ៃ លិន ។ ជនរងគ្រោះឈ្មោះ តិល បឺយ ភេទប្រុស អាយុ៥៤ឆ្នាំ ជាមន្ត្រីប៉ូលិសរងរបួសបាក់ស្មងជើងស្តាំ រស់នៅភូមិទួលស្រឡៅ សង្កាត់ទួលល្វា ក្រុងប៉ៃលិន បើកម៉ូតូមា៉កសង់ផលិតនៅប្រទេសចិនពណ៌ខ្មៅ អត់ស្លាកលេខ ។ ចំណែកឈ្មោះ ឈូ គឹមមួយ ភេទស្រី អាយុ២២ឆ្នាំ ជាអ្នកបើករថយន្តមា៉កហ្វត ពណ៌ស្លែ ពាក់ស្លាកលេខភ្នំពេញ 2S-7121 ។
ប្រភពព័ត៌មានឱ្យដឹងថា មុនពេលកើតហេតុរថយន្តមា៉កហ្វដបើកបរដោយនារីវ័យក្មេងម្នាក់ពីលិចទៅកើត លុះដល់ចំណុចកើតហេតុ បានស៊ីញ៉ូបត់ត្រឡប់ក្រោយ ស្របពេលនោះបុរសរងគ្រោះជិះម៉ូតូពីកើតទៅលិច ជាន់ហ្វ្រាំងមិនទាន់ក៏ជ្រុលបុកគូទរថយន្តនោះបណ្តាលឱ្យរងរបួសបាក់ស្មងជើងខាងស្តាំតែម្តង ។
លោកអនុសេនីយ៍ឯក ប្រាក់ វិគុណ នាយផ្នែកចរាចរណ៍ផ្លូវគោកខេត្តប៉ៃលិនឱ្យដឹងថា ក្រោយពេលកើតហេតុភ្លាម ជនរងគ្រោះត្រូវបញ្ជូនទៅសង្គ្រោះនៅមន្ទីរពេទ្យបង្អែកខេត្ត ។ ម៉ូតូជនរងគ្រោះខូចខាតផ្នែកខាងមុខទាំងស្រុង ចំណែករថយន្តអត់មានការខូចខាតអ្វីនោះទេ ត្រូវសមត្ថកិច្ចយកទៅរក្សាទុកនៅការិយាល័យចរាចរណ៍នៃស្នងការនគរបាលខេត្ត រង់ចាំដោះស្រាយតាមច្បាប់ ៕
ចែករំលែកព័តមាននេះ