ខេត្ដកំពង់ស្ពឺ ៖ មនុស្សប្រុសស្រី២៩នាក់ ក្នុងចំណោម៣៥នាក់ រងរបួសធ្ងន់និងស្រាលត្រូវបញ្ជូនទៅសង្គ្រោះនៅមន្ទីរពេទ្យ បន្ទាប់ពីជួបគ្រោះថ្នាក់ចរាចរណ៍ក្រឡាប់សាមឡនៅចំណុចផ្លូវកោងលើភ្នំគិរីរម្យ ។ ករណីគ្រោះថ្នាក់ចរាចរណ៍ននេះកើតឡើងកាលពីវេលាម៉ោង៤និង៣០នាទីរសៀល ថ្ងៃទី៩ មិថុនា នៅចំណុចផ្លូវកោងលើភ្នំគិរីរម្យ ស្ថិតក្នុងស្រុកភ្នំស្រួច ។
ខេត្ដកំពង់ស្ពឺ ៖ មនុស្សប្រុសស្រី២៩នាក់ ក្នុងចំណោម៣៥នាក់ រងរបួសធ្ងន់និងស្រាលត្រូវបញ្ជូនទៅសង្គ្រោះនៅមន្ទីរពេទ្យ បន្ទាប់ពីជួបគ្រោះថ្នាក់ចរាចរណ៍ក្រឡាប់សាមឡនៅចំណុចផ្លូវកោងលើភ្នំគិរីរម្យ ។ ករណីគ្រោះថ្នាក់ចរាចរណ៍ននេះកើតឡើងកាលពីវេលាម៉ោង៤និង៣០នាទីរសៀល ថ្ងៃទី៩ មិថុនា នៅចំណុចផ្លូវកោងលើភ្នំគិរីរម្យ ស្ថិតក្នុងស្រុកភ្នំស្រួច ។
ប្រភពពីមន្ដ្រីនគរបាលឱ្យដឹងថា ជនរងគ្រោះទាំងអស់ធ្វើដំណើរតាមសាមឡមួយគ្រឿងទៅកម្សាន្ដនៅភ្នំគិរីរម្យ ក្រោយពីកម្សាន្ដក៏ត្រឡប់ទៅផ្ទះវិញ លុះដល់ចំណុចកើតហេតុប្រហែលជាអ្នកបើកបរមិនស្គាល់ភូមិសាស្រ្ដ បើកចុះពីលើភ្នំមិនប្រុងប្រយ័ត្នបោះពួយលឿនស្លេវពេលមកដល់ផ្លូវកោងធ្វើឱ្យអ្នកបើកបរបាត់ម្ចាស់ការជាន់ហ្វ្រាំងទាំងប្រថុចញ៉ុច បណ្ដាលឱ្យបោកក្រឡាប់ចាក់មនុស្សដែលជិះក្នុងនោះដេកដួលរដូករណែលរបួសធ្ងន់ស្រាលជាច្រើននាក់ ។
មេបញ្ជាការកងរាជអាវុធហត្ថខេត្ដ លោកឧត្ដមសេនីយ៍ត្រី ម៉ែន ស៊ីប៊ន ប្រាប់អ្នកយកព័ត៌មានកោះសន្ដិភាពថា ក្រោយពេលមានគ្រោះថ្នាក់កើតឡើង សមត្ថកិច្ចនិងអាជ្ញាធរចុះជួយអន្ដរាគមន៍នៅកន្លែងកើតហេតុ ស្រាវជ្រាវឃើញថា អ្នករងគ្រោះទាំងនោះជាអ្នករស់នៅក្នុងភូមិព្រែកអំពិល ឃុំព្រែកអំពិល ស្រុកខ្សាច់កណ្ដាល ។ ពួកគេនាំគ្នាមកកម្សាន្ដនៅរមណីយដ្ឋានគិរីរម្យ ក៏ជួបគ្រោះអកុសលក្រឡាប់សាមឡ របួសធ្ងន់ស្រាលចំនួន២៩នាក់ ក្នុងចំណោមអ្នកជិះ៣៥នាក់ ។
អ្នករបួសស្រាលត្រូវបញ្ជូនទៅព្យាបាលនៅមន្ទីរពេទ្យបង្អែកត្រែងត្រយឹង ខេត្ដកំពង់ស្ពឺ ចំណែកអ្នករបួសធ្ងន់បញ្ជូនទៅសង្គ្រោះនៅឯមន្ទីរពេទ្យរាជធានីភ្នំពេញ ។ សមត្ថកិច្ចសូមអំពាវនាវដល់ប្រជាពលរដ្ឋ ដែលនាំគ្នាទៅកម្សាន្ដនៅលើភ្នំគិរីរម្យទាំងអស់ ត្រូវមានស្មារតីប្រុងប្រយ័ត្ន បើមិនស្គាល់ផ្លូវច្បាស់កុំបើកបរលឿនពេក ចៀសវាងជួបឧប្បត្ដិហេតុអាក្រក់បែបនេះ ៕
ចែករំលែកព័តមាននេះ