ធ្លាប់ទទួលបានជោគជ័យក្នុងបេសកកម្មនៃយានអវកាស SHEN-ZHOU-6 ។លោកZHANG XIAOGUANG អាយុ៤៧ ជាជំនួយការរបស់មេបញ្ជាការ ហើយនឹងជួយលោក NIE ក្នុងភារកិច្ចទាំងឡាយដូចជា ការកាច់ចង្កូតយានអវកាស ធ្វើឱ្យមានការភ្ជាប់យាននេះ និងការបំបែកចេញពីស្ថានីយ TIANGONG-1 ។
អវកាសយានិកចិន៣រូបដែលត្រូវទៅកាន់ទី អវកាសតាមយានអវកាស SHENZHOU-10 គឺលោក NIE HAISHENG លោក ZHANG XIAOGUANG និងលោកស្រី វ៉ាង យ៉ាពីញ កាលពីថ្ងៃទី១០ មិថុនា បានជួបជាមួយម៉ាស៊ីនឃោសនាមុនពេលបាញ់បង្ហោះយានអវកាសដែលពួកគេជិះ ។អវកាសយានិកទាំង៣រូបនោះត្រូវធ្វើដំណើរតាមយានអវកាសនេះ ដែលត្រូវបាញ់បង្ហោះចេញពីទីតាំងបាញ់បង្ហោះផ្កាយរណប JIUQUAN ស្ថិតនៅភាគពាយ័ព្យចិន ។ យានអវកាសនេះត្រូវបាញ់បង្ហោះនាថ្ងៃទី១១ មិថុនា នឹងស្ថិតក្នុងទីអវកាសរយៈពេល១៥ថ្ងៃជារយៈពេលយូរមួយនៃកម្មវិធីអវកាសបញ្ជូនមនុស្សទៅរបស់ប្រទេស ។
អង្គុយក្រោមទង់ជាតិចិន ហើយនៅដាច់ពីក្រុមអ្នកកាសែតតាមរយៈជញ្ជាំងកញ្ចក់មួយ អវកាសយានិកទាំង៣នាក់នោះមើលទៅហាក់មានសុខភាពល្អបំផុត ។ ឧត្តមសេនីយ៍ទោ NIE HAISHENG អាយុ៤៨ឆ្នាំ មេបញ្ជាការនៃបេសកកម្មជាអ្នកទទួលខុសត្រូវលើបេសកកម្មភ្ជាប់យាន SHENZHOU-10 ទៅនឹងស្ថានីយពិសោធន៍ TIANGONG-1 ។ កាលពីខែតុលា ឆ្នាំ២០០៥ លោក NIE ធ្លាប់ទទួលបានជោគជ័យក្នុងបេសកកម្មនៃយានអវកាស SHEN-ZHOU-6 ។លោកZHANG XIAOGUANG អាយុ៤៧ ជាជំនួយការរបស់មេបញ្ជាការ ហើយនឹងជួយលោក NIE ក្នុងភារកិច្ចទាំងឡាយដូចជា ការកាច់ចង្កូតយានអវកាស ធ្វើឱ្យមានការភ្ជាប់យាននេះ និងការបំបែកចេញពីស្ថានីយ TIANGONG-1 ។
លោកក៏ជាអ្នកថតរូបភាពនានាផងដែរសម្រាប់ការផ្តល់មេរៀនចែកចាយដល់បណ្តានិស្សិតនៅឯផែនដីពីទីអវកាសមក ។ ចំណែកលោកស្រី វ៉ាង យ៉ាពីញ អាយុ៣៣ឆ្នាំ ជានារីអវកាសចិនទី២ ដែលត្រូវធ្វើដំណើរទៅកាន់ទីអវកាស បន្ទាប់ពីលោកស្រីលីន យ៉ាង ដែលចូលរួមក្នុងបេសកកម្មរបស់យាន SHENZHOU-9 កាលពីខែមិថុនា ឆ្នាំ២០១២ ។ លោកស្រីវ៉ាង នឹងជាអ្នកទទួលខុសត្រូវត្រួតពិនិត្យលើសភាពរបស់អវកាស និងកិច្ចដំណើរការរបស់បណ្តាឧបករណ៍ ។ លោកស្រីក៏ជាអ្នកផ្តល់មេរៀនពីទីអវកាសដល់បណ្តានិស្សិតនៅឯដីដែរ ។
លោក NIE ថ្លែងទៅកាន់ម៉ាស៊ីនឃោសនាថា បើប្រៀបធៀបទៅនឹងបេសកកម្មរបស់យានអវកាសSHENZHOU-6 បេសកកម្មលើកនេះនឹងជាបេសកកម្មរយៈពេលយូរមួយ ព្រោះត្រូវធ្វើការពិសោធន៍នានាបន្ថែមទៀត ដែលនោះនឹងជាការប្រឈមថ្មីជាមួយគ្រោះថ្នាក់កាន់តែធំៗ ។ ខ្ញុំរង់ចាំដោយអន្ទះសានូវពេលវេលាស្ថិតក្នុងស្ថានីយពិសោធន៍ TIANGONG-1 ។ លោកបន្តថា ពុំថាជាពលទាហាន ឬជាឧត្តមសេនីយ៍ទេ គេត្រូវមានមោទនភាពចំពោះបេសកកម្មនោះ ។ យើងគ្មានការរារែកចិត្តឡើយ ពេលបំពេញបេសកកម្មលើកនេះ ។
ចំណែកលោក ZHANG XIAOGUANG វិញរង់ចាំបេសកកម្មលើកដំបូងនេះរបស់លោកចាប់តាំងពី១៥ឆ្នាំមកហើយ ។ លោកនិយាយថា ធ្វើដំណើរទៅកាន់ទីអវកាសជាក្តីស្រមៃរបស់ខ្ញុំ។ ដោយខិតខំធ្វើឱ្យសម្រេចក្តីស្រមៃនេះ ខ្ញុំពិតជារីករាយ ក៏ប៉ុន្តែក៏ត្រូវឆ្លងកាត់ការលំបាកនានាដែរ ។ រីឯលោកស្រីវ៉ាងនិយាយថា លោកស្រីពិតជារីករាយ ព្រោះពេលទៅកាន់ទីអវកាសមានឱកាសបានប្រាស្រ័យទាក់ទងជាមួយបណ្តាសិស្ស-និស្សិត ព្រមទាំងសាស្ត្រចារ្យនៅលើផែនដី ។ តាមពិតទៅ យើងទាំងអស់គ្នាសុទ្ធតែជានិស្សិត ពេលត្រូវធ្វើការប្រឈមមុខនឹងចក្កវាឡដ៏ធំទូលំទូលាយ ។ យើងរង់ចាំដោយអន្ទះសាដើម្បីអាចរួមជាមួយបណ្តាយុវមិត្តរបស់យើងសិក្សា និងស្រាវជ្រាវចក្កវាឡដ៏អាថ៌កំបាំង។
យានអវកាស SHENZHOU-10 នឹងត្រូវបាញ់បង្ហោះនាថ្ងៃទី១១ មិថុនា វេលាម៉ោង១៧និង៣៨នាទី ។ នេះជាការប្រកាសកាលពីថ្ងៃទី១០ មិថុនា របស់ស្ត្រីអ្នកនាំពាក្យនៃកម្មវិធីអវកាសបញ្ជូនមនុស្សទៅរបស់ចិន ។ អ្នកនាំពាក្យរូបនេះ លោកស្រីវូពីញ ក្នុងសន្និសីទសារព័ត៌មានមួយនៅឯទីតាំងបាញ់បង្ហោះផ្កាយរណប JIUQUAN ឱ្យដឹងថា ស្ត្រីអវកាសយានិកលោកស្រីវ៉ាងមានប្រភពពីគ្រួសារកសិករនៅភាគខាងកើតចិន ហើយជានារីចិនទី២ដែលចូលរួមក្នុងេបសកកម្មអវកាសមានមនុស្សទៅ ហើយជានារីអវកាសដំបូងគេដែលកើតក្នុងទសវត្សឆ្នាំ១៩៨០ ៕
ចែករំលែកព័តមាននេះ