កាសែតដឹសាន់របស់ប្រទេសអង់គ្លេស បានចុះផ្សាយរូបភាពដ៏ចម្លែក ដោយសារមានស្នាមក្រពឹតនៅបរិវេណខាងមុខរបស់យន្ដហោះរបស់ចិន និងបានចុះចតបន្ទាន់កាលពីសប្ដាហ៍មុន ក្រោយពីបុកនឹងវត្ថុដ៏ចម្លែកមួយនៅកណ្ដាលអាកាស ខណៈអ្នកជំនាញផ្នែកហោះហើរសន្និដ្ឋានថា អាចជាស្លាកស្នាមបុកជាមួយថាសហោះ ។
កាសែតដឹសាន់របស់ប្រទេសអង់គ្លេស បានចុះផ្សាយរូបភាពដ៏ចម្លែក ដោយសារមានស្នាមក្រពឹតនៅបរិវេណខាងមុខរបស់យន្ដហោះរបស់ចិន និងបានចុះចតបន្ទាន់កាលពីសប្ដាហ៍មុន ក្រោយពីបុកនឹងវត្ថុដ៏ចម្លែកមួយនៅកណ្ដាលអាកាស ខណៈអ្នកជំនាញផ្នែកហោះហើរសន្និដ្ឋានថា អាចជាស្លាកស្នាមបុកជាមួយថាសហោះ ។
យន្ដហោះប៊ូអីុង៧៥៧របស់ក្រុមហ៊ុនអាកាសចរណ៍ចិនអ៊ែរឆាយណា ក្នុងជើងហោះហើរពីទីក្រុងឆើងទូឆ្ពោះទៅក្វាងចូវ ប៉ុន្ដែក្រោយពីហោះបានប្រហែល២០នាទី ក៏បុកជាមួយវត្ថុចម្លែកមួយប្រភេទ ក្នុងរយៈកម្ពស់ប្រហែល៧.៨០០ម៉ែត្រ បង្កឱ្យមានសំឡេងលាន់កក្រើកក្នុងអាកាស ។
ស្របពេលជាមួយគ្នានេះ អាកាសយានិករាយការណ៍ទៅអគារបញ្ជាការហោះហើរភ្លាម និងបានអនុញ្ញាតឱ្យចុះចតបន្ទាន់នៅឯអាកាសយានដ្ឋាននៅក្បែរនោះ ដោយនៅក្នុងរបាយការណ៍បញ្ជាក់ថា ហេតុការណ៍នេះមិនបណ្ដាលឱ្យអ្នកដំណើរណាម្នាក់រងរបួសទេ ប៉ុន្ដែនៅពេលត្រួតពិនិត្យយន្ដហោះ ក៏ប្រទះឃើញមានស្នាមក្រពឹតនៅបរិវេណផ្នែកខាងមុខរបស់យន្ដហោះ។
ពេលនោះមានការប៉ាន់ប្រមាណក្នុងទស្សនផ្សេងៗពីគ្នាដោយក្នុងចំណោមនោះ មានអ្នកជំនាញផ្នែកហោះហើរសន្និដ្ឋានថា យន្ដហោះនេះអាចបុកជាមួយថាសហោះ ប៉ុន្ដែទស្សននេះទទួលការបដិសេធពីសំណាក់អ្នកជំនាញផ្នែកថាសហោះនៅលើពិភពលោកថា ការសន្និដ្ឋានគ្មានមូលដ្ឋានច្បាស់លាស់ ៕
ចែករំលែកព័តមាននេះ