រាជធានីភ្នំពេញ ៖ របាំងថ្មចែកផ្លូវចំនួន៥កង់បានបាក់ខូចខាតដោយសាររថយន្តមា៉កមីនីមា៉ត ពាក់ស្លាកលេខស្វាយរៀង 2A-0777 បើកបុក កាលពីវេលាម៉ោង១២និង៣០នាទីអធ្រាត្រឈានចូលថ្ងៃទី១១ មិថុនា នៅមហាវិថីព្រះមុនីវង្ស ក្នុងសង្កាត់បឹងត្របែក ខណ្ឌចំការមន ។
រាជធានីភ្នំពេញ ៖ របាំងថ្មចែកផ្លូវចំនួន៥កង់បានបាក់ខូចខាតដោយសាររថយន្តមា៉កមីនីមា៉ត ពាក់ស្លាកលេខស្វាយរៀង 2A-0777 បើកបុក កាលពីវេលាម៉ោង១២និង៣០នាទីអធ្រាត្រឈានចូលថ្ងៃទី១១ មិថុនា នៅមហាវិថីព្រះមុនីវង្ស ក្នុងសង្កាត់បឹងត្របែក ខណ្ឌចំការមន ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុរថយន្តខាងលើបើកតាមបណ្តោយមហាវិថីព្រះមុនីវង្សពីជើងទៅត្បូងយ៉ាងលឿន លុះដល់ចំណុចមុខស្ថានទូតវៀតណាម ក៏រេចង្កូតជ្រុលទៅបុករបាំងថ្មចែកទ្រូងផ្លូវពេញទំហឹង បណ្តាលឱ្យរថយន្តរងការខូចខាតទៅមុខលែងរួច ហើយអ្នកបើកបររថយន្តបានចុះគេចខ្លួនបាត់ ឯរបាំងថ្មបាក់អស់៥កង់់ ។
ករណីខាងលើនេះ សមត្ថកិច្ចសន្និដ្ឋានថា បណ្តាលមកពីអ្នកបើកបររថយន្តស្រវឹងហើយមិនដឹងថា ភូមិសាស្ត្រផ្លូវខាងលើជាកន្លែងតូចចង្អៀត ដោយសារកំណាត់ផ្លូវមួយផ្នែកត្រូវជួសជុលប្រព័ន្ធលូ ។ ទោះជាយ៉ាងណានគរបាលបានវាស់វែងស្ទូចយករថយន្ត ទៅរក្សាទុកនៅការិយាល័យនគរបាលចរាចរជើងគោករាជធានីភ្នំពេញចាត់ការតាមច្បាប់ ៕
ចែករំលែកព័តមាននេះ