រាជធានីភ្នំពេញ ៖ ពីទីក្រុងហ្សឺណែវ ប្រទេសស្វ៊ីស អ្នកជំនាញសិទ្ធិមនុស្សនៃអង្គការសហប្រជាជាតិ(អ.ស.ប) បានស្នើឲ្យរាជរដ្ឋាភិបាលកម្ពុជា ធ្វើការងារឲ្យកាន់តែជិតស្និទ្ធថែមទៀតជាមួយសង្គមស៊ីវិល ហើយមធ្យោ បាយដ៏ប្រសើរបំផុតដើម្បីឲ្យប្រទេសជាតិសម្រេចបាននូវសន្ដិភាពស្ថិតស្ថេរ និងការអភិវឌ្ឍប្រកបដោយចីរភាព…
រាជធានីភ្នំពេញ ៖ ពីទីក្រុងហ្សឺណែវ ប្រទេសស្វ៊ីស អ្នកជំនាញសិទ្ធិមនុស្សនៃអង្គការសហប្រជាជាតិ(អ.ស.ប) បានស្នើឲ្យរាជរដ្ឋាភិបាលកម្ពុជា ធ្វើការងារឲ្យកាន់តែជិតស្និទ្ធថែមទៀតជាមួយសង្គមស៊ីវិល ហើយមធ្យោ បាយដ៏ប្រសើរបំផុតដើម្បីឲ្យប្រទេសជាតិសម្រេចបាននូវសន្ដិភាពស្ថិតស្ថេរ និងការអភិវឌ្ឍប្រកបដោយចីរភាព គឺត្រូវចាត់ទុកសិទ្ធិមនុស្សជាប្រធានបទមុនគេនៅក្នុងដំណើរការធ្វើសេចក្ដីសម្រេចផ្នែកគោលន យោបាយផ្សេងៗ ។ នេះបើយោងតាមសេចក្តីប្រកាសព័ត៌មានចុះថ្ងៃទី៨ ខែវិច្ឆិកា ។
លោកស្រី រ៉ូណា ស្មីត អ្នករាយណ៍ពិសេសស្ដីពីស្ថានភាពសិទ្ធិមនុស្សប្រចាំកម្ពុជា ដែលបានបញ្ចប់ដំណើរទស្សនកិច្ចចំនួន១១ថ្ងៃមកប្រទេសកម្ពុជា បានមានប្រសាសន៍ថា «អភិបាលកិច្ចល្អទាមទារឲ្យស្ថាប័នរឹងមាំ និងបើកចំហ ដែលដំណើរការស្របតាមគោលការណ៍សិទ្ធិមនុស្សនានា ។ គោលការណ៍ទាំងនេះរួមមាន សិទ្ធិទទួលបានព័ត៌មាន តម្លាភាព ការចូលរួមជាសាធារណៈក្នុងការធ្វើសេចក្ដីសម្រេចចិត្ត គណនេយ្យភាពរបស់មន្ត្រីសាធារណៈនិងមន្ត្រីរាជការ ការទទួលបានយុត្តិធម៌ ហើយដោយមានការគាំទ្រពីសេរីភាពសារព័ត៌មាន និងសង្គមស៊ីវិល ដែលធ្វើការងារយ៉ាងរស់រវើកប្រកបដោយសេរីភាពនិងនវានុវត្តន៍» ។
លោកស្រី រ៉ូណា ស្មីត ក៏បានទាញចំណាប់អារម្មណ៍ទៅលើគោលដៅអភិវឌ្ឍន៍ប្រកបដោយចីរភាពរបស់ អ.ស.ប (គ.អ.ច) ដោយបានគូសបញ្ជាក់ជាពិសេសថា «គ.អ.ច ទី១៦ គឺជាគោលដៅដែលផ្ដោតលើការមានស្ថាប័នរឹងមាំមានប្រសិទ្ធភាព គណនេយ្យភាព និងប្រកបដោយបរិយាប័ន្ន ការមានតម្លាភាព និងការទទួលបានយុត្តិធម៌ ហើយគោលដៅនេះផ្ដល់ជាយានមួយ»សម្រាប់បញ្ចូលគោលការណ៍សិទ្ធិមនុស្សនានា ទៅក្នុងក្របខណ្ឌយុទ្ធសាស្ត្រអភិវឌ្ឍន៍ប្រទេសជាតិ ។
ទោះជាលោកស្រីបន្តយោងលើកង្វល់ទាំងឡាយរបស់លោកស្រីដែលមានកន្លងមក ទាក់ទិននឹងការបោះឆ្នោតជាតិនាពេលកន្លងទៅថ្មីៗនេះ ហើយនិងការរួមតូចនៃលំហប្រជាធិបតេយ្យនៅក្នុងប្រទេសកម្ពុជាក្ដី
ក៏អ្នករាយការណ៍ពិសេសបានស្វាគមន៍ចំពោះកិច្ចខិតខំប្រឹងប្រែងរបស់រាជរដ្ឋាភិបាលថ្មីៗនេះ ដើម្បីបង្កើតយន្តការផ្សេងៗសំដៅលើកកម្ពស់ការចូលរួមជាសាធារណៈនៅក្នុងការធ្វើសេចក្ដីសម្រេចផ្នែកច្បាប់ និងគោលនយោបាយដែរ ។
លោកស្រី ក៏បានស្វាគមន៍ដល់ប្រសាសន៍របស់រដ្ឋមន្ត្រីក្រសួងមហាផ្ទៃ ដែលបានគូសបញ្ជាក់អំពីការលុបចោលសេចក្ដីណែនាំមួយដែលចេញកាលពីខែតុលា ឆ្នាំ២០១៧ ហើយដែលសេចក្ដីណែនាំនោះធ្លាប់បានរឹតត្បិតការបំពេញសកម្មភាពការងារបស់អង្គការសង្គមស៊ីវិលយ៉ាងខ្លាំង ។ លោកស្រី ក៏បានស្នើឲ្យ រាជ
រដ្ឋាភិបាល«ធានាថា ការអនុវត្តសេចក្ដីណែនាំថ្មី នឹងត្រូវធ្វើឡើងបានត្រឹមត្រូវនៅគ្រប់លំដាប់ថ្នាក់» ។
ទោះបីជាយ៉ាងណាក៏ដោយ ក៏លោកស្រីកត់សម្គាល់ថា អង្គការសង្គមស៊ីវិលនៅតែប្រឈមនឹងបន្ទុកយ៉ាងធ្ងន់ក្នុងការអនុវត្តច្បាប់កម្ពុជាដែលមានការរឹតត្បិត ។ លោកស្រីសូមលើកទឹកចិត្តឲ្យរាជរដ្ឋាភិបាល «ធ្វើការពិនិត្យឡើងវិញក្របខណ្ឌច្បាប់ និងក្របខណ្ឌរដ្ឋបាល ដោយត្រូវពិគ្រោះយោបល់ជាមួយអង្គការសង្គមស៊ីវិលនិងអង្គការសហប្រជាជាតិ ដើម្បីធានាថា បទប្បញ្ញត្តិទាំងនោះស្របតាមគោលបំណងរបស់ច្បាប់ ដោយមិនមានការបន្ថែមបន្ទុកមិនត្រឹមត្រូវដល់ពួកគេ ហើយថាច្បាប់ទាំងនេះត្រូវបានយកមកអនុវត្តដោយតម្លាភាព និងត្រឹមត្រូវ» ។
លោកស្រី រ៉ូណា ស្មីត បានសម្ដែងកង្វល់របស់លោកស្រីអំពីការឃុំខ្លួនបណ្ដោះអាសន្នរយៈពេលវែងក៏ដូចជារយៈពេលដែលត្រូវយកមកជំនុំជម្រះ ។ លោកស្រីបានអំពាវនាវឲ្យមានការដោះលែងលោក កឹម សុខា ដែលជាប្រធានអតីតបក្សសង្គ្រោះជាតិ ដែលត្រូវបានរំលាយនៅខែវិច្ឆិកា ឆ្នាំ២០១៧ ពីការឃុំឃាំងដ៏រឹតត្បិត និងបញ្ចប់ការស៊ើបអង្កេតឲ្យបានឆាប់នៅក្នុងសំណុំរឿងរបស់គាត់ ដើម្បីធានាពីសិទ្ធិរបស់គាត់ក្នុងការទទួលបានការកាត់ក្ដីដោយយុត្តិធម៌រយៈពេលសមស្របមួយ ឬបើមិនដូច្នេះទេ ត្រូវទម្លាក់ចោលនូវបទចោទប្រកាន់ប្រឆាំងនឹងលោក ។
លោកស្រី ស្មីត បានកត់សម្គាល់ថា ជំហាននានារបស់ក្រសួងសេដ្ឋកិច្ចនិងហិរញ្ញវត្ថុ ក្នុងការណែនាំឲ្យមាន ការងារគ្រប់គ្រងថវិកា គឺជារឿងដែលគួរឲ្យលើកទឹកចិត្ត ប៉ុន្តែលោកស្រីបានសង្កត់ធ្ងន់ថា កិច្ចខិតខំប្រឹង ប្រែងច្រើនថែមទៀតគឺជាកត្តាចាំបាច់ជាពិសេសនៅក្នុងវិស័យយុត្តិធម៌ ។ «ខ្ញុំសូមអំពាវនាវដល់ក្រសួង យុត្តិធម៌ និងស្ថាប័នតុលាការ ឲ្យបំពេញការងាររបស់ខ្លួនប្រកបដោយតម្លាភាពបន្ថែមទៀត ទាក់ទិននឹង ប្រតិបត្តិការរបស់ខ្លួន ដើម្បីចាត់វិធានការថែមទៀតប្រយុទ្ធប្រឆាំងអំពើពុករលួយ និងពង្រឹងឯករាជ្យ ភាព និងភាពមិនលម្អៀងរបស់តុលាការ»។រាល់ចំណុចដែលបានលើកឡើងក្នុងសេចក្ដីប្រកាសព័ត៌មាននេះ មិនទាន់អាចរកមតិយោបល់ពីមន្ត្រីរាជរដ្ឋាភិបាលបាននៅឡើយទេ ៕
ចែករំលែកព័តមាននេះ