យោងតាមសេចក្តីប្រកាសមួយចេញផ្សាយកាលពីព្រឹកថ្ងៃទី១០ មិថុនាថា ការបាញ់តគ្នារវាងពួកតាលីបង់ និងកងកម្លាំងសន្តិសុខក្នុងអគារមួយកាន់កាប់ដោយពួកជនប្រដាប់អាវុធនៅជិតព្រលានយន្តហោះក្រុងកាប៊ុលបានបញ្ចប់ក្រោយការសម្លាប់ពួកបះបោរ៧នាក់មក ។
យោងតាមសេចក្តីប្រកាសមួយចេញផ្សាយកាលពីព្រឹកថ្ងៃទី១០ មិថុនាថា ការបាញ់តគ្នារវាងពួកតាលីបង់ និងកងកម្លាំងសន្តិសុខក្នុងអគារមួយកាន់កាប់ដោយពួកជនប្រដាប់អាវុធនៅជិតព្រលានយន្តហោះក្រុងកាប៊ុលបានបញ្ចប់ក្រោយការសម្លាប់ពួកបះបោរ៧នាក់មក ។
ការវាយប្រហារចាប់ផ្តើមពីម៉ោង៤និង៣០នាទីទៀបភ្លឺថ្ងៃទី១០ មិថុនា ពេលពួកតាលីបង់លុកចូលកាន់កាប់អគារកម្ពស់៥ជាន់មួយដែលកំពុងកសាងនៅ GLOBAL ជាសង្កាត់មួយមុនពេលបើកការវាយលុកដោយកាំភ្លើងបាញ់រ៉ុក្កែតលើព្រលានយន្តហោះ និងមូលដ្ឋានមួយរបស់កងទ័ពអាហ្វហ្គានីស្ថាន ។ អគារនេះស្ថិតនៅមិនដល់២គីឡូម៉ែត្រផង ភាគពាយ័ព្យព្រលានយន្តហោះក្រុងកាប៊ុល ។
ក្នុងសេចក្តីប្រកាសមួយ ប៉ូលិសក្រុងកាប៊ុលនិយាយថា ការប្រយុទ្ធបានបញ្ចប់នាព្រឹកថ្ងៃទី១០ មិថុនា វេលាម៉ោង៩ ពេលជនវាយប្រហារ២នាក់ធ្វើឱ្យគ្រឿងផ្ទុះដាក់ជាប់ខ្លួនពួកគេផ្ទុះ ហើយកងកម្លាំងសន្តិសុខបានបាញ់សម្លាប់ពួកបះបោរ៥នាក់ទៀត ។ ក្នុងការវាយប្រហារនេះពុំមានសមាជិកកងកម្លាំងសន្តិសុខណាម្នាក់ ឬក៏ជនស៊ីវិលណាម្នាក់ស្លាប់ឡើយ ។ ពួកតាលីបង់ប្រកាសទទួលខុសត្រូវចំពោះការវាយប្រហារនេះ ៕
ចែករំលែកព័តមាននេះ