ថ្មីៗនេះ តាមប្រភពព័ត៌មានពីគេហទំព័របរទេសបានផ្សាយឱ្យដឹងថា ក្រុមហ៊ុនអភិវឌ្ឍន៍អចលនទ្រព្យមួយនៅក្នុងខេត្តហ៊ូបេ ប្រទេសចិនបានជួលតារាម៉ូដែលក្មេងៗសិចស៊ីស្រស់ស្អាតរាប់រយ នាក់ស្លៀកឈុតប៊ីគីនី ថតផ្សាយពាណិជ្ជកម្មលក់អគារ ផ្ទះល្វែង និងខន់ដូររបស់ពួកគេ ។ ការថតផ្សាយពាណិជ្ជកម្មដ៏ស្រើបស្រាលបែបនេះ គឺក្នុងគោលបំណងទាក់ទាញអតិថិជនដែលមានសក្តានុពល ឱ្យចាប់អារម្មណ៍ទិញទំនិញរបស់ពួកគេ ។
កន្លងមក ក្រុមហ៊ុនលក់រថយន្តខ្លះបានជួលនារីក្មេងៗស្រស់ស្អាត ស្លៀកឈុតប៊ីគីនីថតផ្សាយពាណិជ្ជកម្មលក់រថយន្តរបស់ពួកគេ ចំណែកឯក្រុមហ៊ុនលក់ស្រាបៀរមួយចំនួនបានជួលនារីស្លៀកពាក់សិចស៊ី បញ្ចេញគល់ភ្លៅ និងសុដន់លើកកែវស្រាផឹកជាមួយនឹងកាយវិការល្វតល្វន់ ដើម្បីទាក់ទាញអ្នកចូលចិត្តពិសាស្រាបៀរ ។
ជាការពិតណាស់វាមិនមែនជារឿងថ្មីទេ ដែលម្ចាស់ក្រុមហ៊ុនអចលនទ្រព្យមានគំនិតជួលតារាម៉ូដែលស្លៀក ពាក់សិចស៊ីក្នុងការផ្សព្វផ្សាយផលិតផលសំណង់របស់ខ្លួននោះ ពីមុនមកគឺមានក្រុមហ៊ុនបច្ចេកវិទ្យាជាច្រើនបានប្រើប្រាស់មធ្យោ បាយបែបនេះដើម្បីទាក់ទាញអតិថិជនឱ្យបានច្រើន ។ តាមច្បាប់នៅក្នុងប្រទេសចិនគេមិនបានរឹតបន្តឹងពីបញ្ហានេះទេ ហើយមានពេលខ្លះគេបានឃើញរដ្ឋាភិបាលបានប្រើប្រាស់មធ្យោបាយលាប ពណ៌លើរាងកាយនារីស្រាត ដើម្បីទាក់ទាញភ្ញៀវទេសចរផងដែរ៕
ចែករំលែកព័តមាននេះ