ខេត្តកណ្តាល ៖ បុរសម្នាក់បានបាក់.កស្លាប់ភ្លាមៗ និង២នាក់ទៀតរងរបួសធ្ងន់ស្រាលដោយសារស្រវឹងស្រា ហើយបើកម៉ូតូយា៉ងលឿនជ្រុលទៅបុកបង្គោលភ្លើងបំភ្លឺផ្លូវ នៅចំណុចផ្លូវកោងមុខស្ថានីយប្រេងឥន្ធនៈមួយកន្លែង លើផ្លូវលេខ២០៦ ស្ថិតក្នុងភូមិដើមមៀន សង្កាត់ដើមមៀន ក្រុងតាខ្មៅ ។
ខេត្តកណ្តាល ៖ បុរសម្នាក់បានបាក់.កស្លាប់ភ្លាមៗ និង២នាក់ទៀតរងរបួសធ្ងន់ស្រាលដោយសារស្រវឹងស្រា ហើយបើកម៉ូតូយា៉ងលឿនជ្រុលទៅបុកបង្គោលភ្លើងបំភ្លឺផ្លូវ នៅចំណុចផ្លូវកោងមុខស្ថានីយប្រេងឥន្ធនៈមួយកន្លែង លើផ្លូវលេខ២០៦ ស្ថិតក្នុងភូមិដើមមៀន សង្កាត់ដើមមៀន ក្រុងតាខ្មៅ ។
ប៉ូលិសចរាចរក្រុងតាខ្មៅឱ្យដឹងថា បុរសរងគ្រោះដល់ស្លាប់ឈ្មោះ អន តារា៉ ភេទប្រុស អាយុ២៨ឆ្នាំ មានលំនៅភូមិព្រែកថ្លឹង សង្កាត់ព្រែកកំពិស ខណ្ឌដង្កោ ជាអ្នកបើកម៉ូតូមា៉ក SUZUKI Nex C110 ពណ៌ស ពាក់ស្លាកលេខភ្នំពេញ 1BS-7716 និងអ្នករួមដំណើរ២នាក់ទៀតជាបុរស រងរបួសធ្ងន់ស្រាល ។
ប្រភពព័ត៌មានបន្តថា មុនពេលកើតហេតុអ្នកទាំង៣ចេញពីស៊ីផឹក នៅក្លិបកម្សាន្តមួយនៅក្រុងតាខ្មៅ ក្នុងស្ថានភាពស្រវឹងជោកគ្រប់ៗគ្នា ហើយបើកម៉ូតូឌុបគ្នាពីត្បូងទៅជើង តាមផ្លូវលេខ២០៦ ក្នុងល្បឿនយា៉ងលឿន ពេលទៅដល់ចំណុចកើតហេតុជាផ្លូវកោង ក៏ជ្រុលទៅបុកបង្គោលភ្លើងបំភ្លឺផ្លូវនៅខាងស្តាំដៃ ចំពីមុខពេញទំហឹង បណ្តាលឱ្យអ្នកបើកម៉ូតូឈ្មោះ អន តារា៉ បោកខ្ទប់ជាមួយបង្គោលភ្លើងធ្លាក់បាក់.កស្លាប់ភ្លាមៗ និងអ្នករួមដំណើរ២នាក់ទៀត រងរបួសធ្ងន់ស្រាល ត្រូវរថយន្តសង្គ្រោះដឹកយកសង្គ្រោះនៅមន្ទីរពេទ្យក្នុងរាជធានីភ្នំពេញ ចំណែកម៉ូតូខូចខាតផ្នែកខាងមុខ ត្រូវប៉ូលិសយកទៅរក្សាទុកនៅអធិការដ្ឋាននគរបាលក្រុងតាខ្មៅ ។ សពជនរងគ្រោះ ត្រូវដឹកតាមរថយន្តយកទៅប្រគល់ឱ្យក្រុមគ្រួសារដើម្បីធ្វើបុណ្យតាមប្រពៃណី ៕
ចែករំលែកព័តមាននេះ