អតីតប្រធានាធិបតីអាហ្វ្រិកខាងត្បូងលោកណែលសុនម៉ង់ដឺឡា កាលពីយប់ថ្ងៃទី៩ មិថុនា ឆ្លងកាត់យប់ទី៣ក្នុងមន្ទីរពេទ្យ ខណៈស្ថានភាពសុខភាពរបស់លោកស្ថិតក្នុងលក្ខណៈដុនដាប ញ៉ាំងឱ្យប្រជាជនអាហ្វ្រិកខាងត្បូងនាំគ្នាបួងសួងសុំឱ្យលោកបានជាសះស្បើយឡើងវិញ ។នាព្រលប់ថ្ងៃទី៩ មិថុនា វិមានប្រធានាធិបតីកូរ៉េខាងត្បូងនៅតែពុំលាតត្រដាងព័ត៌មានពីស្ថានភាពសុខភាព
អតីតប្រធានាធិបតីអាហ្វ្រិកខាងត្បូងលោកណែលសុនម៉ង់ដឺឡា កាលពីយប់ថ្ងៃទី៩ មិថុនា ឆ្លងកាត់យប់ទី៣ក្នុងមន្ទីរពេទ្យ ខណៈស្ថានភាពសុខភាពរបស់លោកស្ថិតក្នុងលក្ខណៈដុនដាប ញ៉ាំងឱ្យប្រជាជនអាហ្វ្រិកខាងត្បូងនាំគ្នាបួងសួងសុំឱ្យលោកបានជាសះស្បើយឡើងវិញ ។នាព្រលប់ថ្ងៃទី៩ មិថុនា វិមានប្រធានាធិបតីកូរ៉េខាងត្បូងនៅតែពុំលាតត្រដាងព័ត៌មានពីស្ថានភាពសុខភាពរបស់លោកម៉ង់ដឺឡា ក្រោយការប្រកាសពីការបញ្ជូនលោកមកមន្ទីរពេទ្យកាលពីយប់ថ្ងៃទី៧មកទី៨ មិថុនា ដោយសារលោកមានបញ្ហារលាកសួតធ្ងន់ធ្ងរ ។
យោងតាមបណ្តាអ្នកកាសែតថា លោកម៉ង់ដឺឡា ត្រូវបានគ្រួសារលោកចូលទៅជួបនៅមន្ទីរពេទ្យក្រុងប្រេតូរីយ៉ាចំនួន២លើក ក៏ប៉ុន្តែវិមានប្រធានាធិបតីបដិសេធយ៉ាងម៉ឺងម៉ាត់មិនប្រាប់ពីកន្លែងដែលលោកម៉៉ង់ដឺឡាសម្រាកព្យាបាលទេ។លោកម៉ង់ដឺឡា ជាវីរបុរសតស៊ូប្រឆាំងរបបអាប៉ាថេត ដែលលោកនាថ្ងៃទី១៨ កក្កដា មានជន្មាយុគម្រប់៩៥ឆ្នាំ ។ រយៈពេល២ឆ្នាំកន្លះនេះជាលើកទី៤ហើយ ដែលលោកចូលមន្ទីរពេទ្យដោយសារបញ្ហារលាកសួតធ្ងន់ធ្ងរ ដោយពុំគិតពីការទៅពិនិត្យសុខភាពនានាទៀតឡើយ ៕
ចែករំលែកព័តមាននេះ