ទីភ្នាក់ងារព័ត៌មានបរទេស កាលពីថ្ងៃទី៩ មិថុនាផ្សាយថា មានឧបទ្ទហេតុបាល់ឡុងហោះចំនួន៤គ្រឿង ត្រូវខ្យល់បោកបក់បណ្ដាលឱ្យធ្លាក់មកដី នៅភាគខាងលិចឆៀងខាងជើងក្រុងដេនវ៉ើ រដ្ឋកូឡូរ៉ាដូ ក្នុងសហរដ្ឋអាមេរិក កាលពីថ្ងៃទី៨ មិថុនា បណ្ដាលឱ្យមានអ្នករបួសប្រហែល១០នាក់ ប៉ុន្ដែគ្មានការប៉ះពាល់ដល់អាយុជីវិតទេ ។
ទីភ្នាក់ងារព័ត៌មានបរទេស កាលពីថ្ងៃទី៩ មិថុនាផ្សាយថា មានឧបទ្ទហេតុបាល់ឡុងហោះចំនួន៤គ្រឿង ត្រូវខ្យល់បោកបក់បណ្ដាលឱ្យធ្លាក់មកដី នៅភាគខាងលិចឆៀងខាងជើងក្រុងដេនវ៉ើ រដ្ឋកូឡូរ៉ាដូ ក្នុងសហរដ្ឋអាមេរិក កាលពីថ្ងៃទី៨ មិថុនា បណ្ដាលឱ្យមានអ្នករបួសប្រហែល១០នាក់ ប៉ុន្ដែគ្មានការប៉ះពាល់ដល់អាយុជីវិតទេ ។
អាជ្ញាធរឧតុនិយមសហរដ្ឋអាមេរិកថ្លែងថា មានកម្លាំងខ្យល់បោកបក់ក្នុងល្បឿនពី២០ទៅ៣០ម៉ៃ ឬពី៣២ទៅ៤៨គីឡូម៉ែត្រក្នុងមួយម៉ោង ឆ្លងកាត់តំបន់ខាងលើ បណ្ដាលឱ្យកើតហេតុធ្លាក់បាល់ឡុងហោះ ។ លោក ដាណា លូអីស អ្នកនាំពាក្យក្នុងនាយកដ្ឋានការពារគ្រោះមហន្ដរាយក្នុងតំបន់រ៉ុកគី ម៉ែនថេនឱ្យដឹងថា បាល់ឡុងហោះមួយគ្រឿងមានអ្នកដំណើរ១០នាក់ និងអ្នកបញ្ជាម្នាក់បានធ្លាក់ក្នុងតំបន់អភិរក្សសត្វព្រៃរ៉ុកគី ផ្លែត បណ្ដាលឱ្យរងរបួសស្រាល៥នាក់ និងធ្ងន់ម្នាក់ ឯនៅទីក្រុងបូលឌ័រខោនទី ក៏មានបាល់ឡុងហោះមួយគ្រឿង រួមមានអ្នកបញ្ជា និងអ្នកដំណើរ១១នាក់ បានធ្លាក់ទៅក្នុងតំបន់ការពារសត្វព្រៃ ។
ចំណែកបាល់ឡុងហោះមួយគ្រឿងទៀតបានធ្លាក់នៅតំបន់អាវ៉ាដា ដោយមានអ្នកបញ្ជាម្នាក់រងរបួសធ្ងន់ត្រូវបញ្ជូនទៅមន្ទីរពេទ្យ និងអ្នកដំណើរ២នាក់ទៀតរបួសស្រាល និងបាល់ឡុងហោះទី៤ បានធ្លាក់ក្នុងទីក្រុងល្វីវីល រដ្ឋកូឡូរ៉ាដូ នៅកន្លែងក្បែរគ្នា ប៉ុន្ដែគ្មាននរណាម្នាក់រងរបួសទេ ៕
ចែករំលែកព័តមាននេះ