រាជធានីភ្នំពេញ ៖ បុរស ២នាក់ បានរងរបួសធ្ងន់ ខណៈដែលរថយន្ត ១គ្រឿង ម្ចាស់ស្រវឹងស្រាជោគជាំបានបុករះម៉ូតូ ២គ្រឿង កាលពីវេលាម៉ោង ១០ និង ១០នាទី យប់ថ្ងៃទី០៧ មិថុនា ២០១៣ នៅចំណុចផ្លូវជាតិលេខ៥ មុខភោជនីយដ្ឋាន ហេង គង្គា ស្ថិតក្នុងភូមិឃ្លាំងសាំង ក្រុមទី១ សង្កាត់ឫស្សីកែវ ខណ្ឌឫស្សីកែវ ។
រាជធានីភ្នំពេញ ៖ បុរស ២នាក់ បានរងរបួសធ្ងន់ ខណៈដែលរថយន្ត ១គ្រឿង ម្ចាស់ស្រវឹងស្រាជោគជាំបានបុករះម៉ូតូ ២គ្រឿង កាលពីវេលាម៉ោង ១០ និង ១០នាទី យប់ថ្ងៃទី០៧ មិថុនា ២០១៣ នៅចំណុចផ្លូវជាតិលេខ៥ មុខភោជនីយដ្ឋាន ហេង គង្គា ស្ថិតក្នុងភូមិឃ្លាំងសាំង ក្រុមទី១ សង្កាត់ឫស្សីកែវ ខណ្ឌឫស្សីកែវ ។
តាមប្រភពព័ត៌មានបានឱ្យដឹងថា មុនពេលកើតហេតុរថយន្តបង្កម៉ាកម៉ាតីស ពណ៌ត្រួយចេក ១គ្រឿង ពាក់ស្លាកលេខ ភ្នំពេញ 2I-8535 ជិះគ្នា ៤នាក់ ក្នុងស្ថានភាពស្រវឹង បើកបរពីត្បូងទៅជើង លុះមកដល់ចំណុចមុខភោជនីយដ្ឋាន ហេង គង្គា រថយន្តក៏រេចង្កូតទៅបុករ៉ឺម៉កសណ្តោងអត់ស្លាកលេខ ចំពីមុខ ខណៈបើកបញ្រ្ចាស់ទិសគ្នា រួចជ្រុលទៅបុកម៉ូតូ ១គ្រឿងទៀតម៉ាកគុបជ្រុង ពណ៌ទឹកប្រាក់ ពាក់ស្លាកលេខ ភ្នំពេញ 1BL-6214 បណ្តាលឱ្យអ្នកបើកបរទាំង ២ រងរបួសធ្ងន់ ។
ក្រោយកើតហេតុរថយន្តបង្កបែកកង់ទៅមុខលែងរួច អ្នកបើកបរក៏ឈប់រថយន្តរួចរត់គេចខ្លួនបាត់ស្រមោលទាំង ៤នាក់ តែម្តង ចំណែកជនរងគ្រោះត្រូវដឹកយកទៅសង្រ្គោះនៅមន្ទីរពេទ្យ ។ បច្ចុប្បន្ន រថយន្តបង្កត្រូវសមត្ថកិច្ចជំនាញយកទៅរក្សាទុកនៅទីស្នាក់ការនគរបាលចរាចរណ៍ជើងគោករាជធានីភ្នំពេញ ដើម្បីដោះ ស្រាយតាមផ្លូវច្បាប់ ៕
ចែករំលែកព័តមាននេះ