កីឡាករប្រដាលអាល្លឺម៉ង់មា៉កូ ហាក់ នឹងឡើងសង្វៀនប្រកួតការពារខ្សែក្រវាត់ពិភពលោកស្ថាប័នWBO ក្នុងប្រភេទទម្ងន់៩០,៧ គីឡូក្រាមរបស់ខ្លួនប្រឆាំងកីឡាករអង់គ្លេសអូឡា អាហ្វូឡាប៊ី នារាត្រីថ្ងៃសៅរ៍នេះ ។ ការប្រកួតនេះនឹងធ្វើនៅទីក្រុងប៊ែរឡាំង ប្រទេសអាល្លឺម៉ង់ ។ហាក់ដែលមានវ័យ២៨ឆ្នាំ មានឯតទគ្គកម្មប្រកួត៣៧លើក ឈ្នះ៣៤លើក ចាញ់២ លើក ស្មើ១លើក និងធ្លាប់
កីឡាករប្រដាលអាល្លឺម៉ង់មា៉កូ ហាក់ នឹងឡើងសង្វៀនប្រកួតការពារខ្សែក្រវាត់ពិភពលោកស្ថាប័នWBO ក្នុងប្រភេទទម្ងន់៩០,៧ គីឡូក្រាមរបស់ខ្លួនប្រឆាំងកីឡាករអង់គ្លេសអូឡា អាហ្វូឡាប៊ី នារាត្រីថ្ងៃសៅរ៍នេះ ។ ការប្រកួតនេះនឹងធ្វើនៅទីក្រុងប៊ែរឡាំង ប្រទេសអាល្លឺម៉ង់ ។ហាក់ដែលមានវ័យ២៨ឆ្នាំ មានឯតទគ្គកម្មប្រកួត៣៧លើក ឈ្នះ៣៤លើក ចាញ់២ លើក ស្មើ១លើក និងធ្លាប់ផ្តួលដៃគូឱ្យសន្លប់បានចំនួន២៥លើក ។
គេបានយកឈ្នះខ្សែក្រវាត់ WBO នេះ តាំងពីឆ្នាំ២០០៩ពោលគឺក្រោយពេលឈ្នះកីឡាករអាហ្សង់ទីន Victor Emilio Ramirez ដោយពិន្ទុជាឯកច្ឆ័ន្ទ ។ បើគិតមកទល់ពេលនេះគេការពារខ្សែក្រវាត់របស់ខ្លួនបានដោយជោគជ័យអស់ចំនួន១០លើករួចមកហើយ ។ ការប្រកួតចុងក្រោយកាលពីថ្ងៃទី៣ ខែវិច្ឆិកា ឆ្នាំ២០១២ ឈ្នះកីឡាករតួកគី Firal Arslan ដោយពិន្ទុជាឯកច្ឆ័ន្ទ ការពារបានខ្សែក្រវាត់របស់ខ្លួន ។ ឯអាហ្វូឡាប៊ី វ័យ៣៣ឆ្នាំ នៅក្នុងការប្រកួត២៥លើកគេឈ្នះ១៥លើកប៉ុណ្ណោះ ក្នុងនោះផ្តួលដៃគូឱ្យសន្លប់បាន៩លើក ៕
ចែករំលែកព័តមាននេះ