រាជធានីភ្នំពេញ ៖ រថយន្ដក្រឡុកស៊ីម៉ងត៍ខណៈបើកបោះពួយក្នុងល្បឿនលឿនជ្រុលទៅបុក និងកិនម៉ូតូពីរគ្រឿង បណ្ដាលឱ្យខូចខ្ទេចទាំងស្រុង តែសំណាងល្អអ្នកបើកបរគ្មានគ្រោះថ្នាក់ធ្ងន់ធ្ងរ ។ ឧបទ្ទវហេតុគ្រោះថ្នាក់ចរាចរណ៍នេះ កើតឡើងកាលពីវេលាម៉ោង៦និង១៥នាទីល្ងាច ថ្ងៃទី៦ មិថុនា នៅលើផ្លូវបេតុង ស្ថិតក្នុងភូមិក្រាំងអង្ក្រង សង្កាត់ក្រាំងធ្នង់ ខណ្ឌពោធិ៍សែនជ័យ ។
រាជធានីភ្នំពេញ ៖ រថយន្ដក្រឡុកស៊ីម៉ងត៍ខណៈបើកបោះពួយក្នុងល្បឿនលឿនជ្រុលទៅបុក និងកិនម៉ូតូពីរគ្រឿង បណ្ដាលឱ្យខូចខ្ទេចទាំងស្រុង តែសំណាងល្អអ្នកបើកបរគ្មានគ្រោះថ្នាក់ធ្ងន់ធ្ងរ ។ ឧបទ្ទវហេតុគ្រោះថ្នាក់ចរាចរណ៍នេះ កើតឡើងកាលពីវេលាម៉ោង៦និង១៥នាទីល្ងាច ថ្ងៃទី៦ មិថុនា នៅលើផ្លូវបេតុង ស្ថិតក្នុងភូមិក្រាំងអង្ក្រង សង្កាត់ក្រាំងធ្នង់ ខណ្ឌពោធិ៍សែនជ័យ ។
រថយន្ដក្រឡុកស៊ីម៉ងត៍មួយគ្រឿងនោះ ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ3C-0531 បើកបរដោយបុរសមិនស្គាល់ឈ្មោះព្រោះក្រោយកើតហេតុចុះរត់គេចខ្លួនបាត់ ។ ចំណែកម៉ូតូទាំងពីរគ្រឿងម៉ាកវ៉េវ មួយគ្រឿងពណ៌ព្រីងទុំ អត់ស្លាកលេខ និងមួយគ្រឿងទៀតពណ៌ក្រហម ពាក់ស្លាកលេខក៣៤២៨ ភព១ ។អ្នកបើកបរម៉ូតូទាំងពីរនាក់មិនត្រូវបានគេស្គាល់ឈ្មោះទេ តែរងរបួសស្រាល ។
ប្រភពព័ត៌មានឱ្យដឹងថា មុនពេលកើតហេតុ រថយន្ដក្រឡុកស៊ីម៉ងត៍ និងម៉ូតូទាំងពីរគ្រឿងធ្វើដំណើរក្នុងទិសដៅស្របគ្នា លុះពេលទៅដល់ចំណុចកើតហេតុ រថយន្ដក៏ជ្រុលបុក និងកិនម៉ូតូពីក្រោយទាំងកម្រោល បណ្ដាលឱ្យខូចខ្ទេច តែអ្នកជិះខ្ទាតចេញក្រៅទើបរងរបួសស្រាល ។ ក្រោយកើតហេតុ សមត្ថកិច្ចមូលដ្ឋានចុះទៅកន្លែងកើតហេតុវាស់វែង និងវត្ថុតាងទៅរក្សាទុករង់ចាំដោះស្រាយតាមច្បាប់ ៕
ចែករំលែកព័តមាននេះ