រាជធានីភ្នំពេញ ៖ បុរសម្នាក់រងរបួសធ្ងន់ត្រូវរថយន្ដសង្គ្រោះ៧១១ របស់មន្ទីរពេទ្យកងពលតូចលេខ៧០ ដឹកយកទៅសង្គ្រោះនៅមន្ទីរពេទ្យកាល់ម៉ែត បន្ទាប់ពីស្រវឹងស្រាហើយជិះម៉ូតូក្នុងល្បឿនលឿន បុកទួលកាត់ទទឹងផ្លូវបណ្ដាលឱ្យដួលបោកទៅនឹងថ្នល់ពេញទំហឹង ។ ឧបទ្ទវហេតុគ្រោះថ្នាក់ចរាចរណ៍នោះ កើតឡើងកាលពីវេលាម៉ោង១០និង២០នាទីយប់ ថ្ងៃទី៦មិថុនា នៅលើ
រាជធានីភ្នំពេញ ៖ បុរសម្នាក់រងរបួសធ្ងន់ត្រូវរថយន្ដសង្គ្រោះ៧១១ របស់មន្ទីរពេទ្យកងពលតូចលេខ៧០ ដឹកយកទៅសង្គ្រោះនៅមន្ទីរពេទ្យកាល់ម៉ែត បន្ទាប់ពីស្រវឹងស្រាហើយជិះម៉ូតូក្នុងល្បឿនលឿន បុកទួលកាត់ទទឹងផ្លូវបណ្ដាលឱ្យដួលបោកទៅនឹងថ្នល់ពេញទំហឹង ។ ឧបទ្ទវហេតុគ្រោះថ្នាក់ចរាចរណ៍នោះ កើតឡើងកាលពីវេលាម៉ោង១០និង២០នាទីយប់ ថ្ងៃទី៦មិថុនា នៅលើកំណាត់ផ្លូវជាតិលេខ៥ ត្រង់ចំណុចជិតបញ្ជរបង់ប្រាក់កំបូល ស្ថិតក្នុងភូមិត្រពាំងគល់ សង្កាត់កន្ទោក ខណ្ឌពោធិ៍សែនជ័យ ។
បុរសរងគ្រោះរូបនោះ សមត្ថកិច្ចមិនទាន់ស្គាល់អត្ដសញ្ញាណទេ តែមានកាតគ្រីម៉ូតូមួយសន្លឹកមានឈ្មោះ ជៀម សាំងសុផាត មានលំនៅខណ្ឌសែនសុខ តែមិនដឹងថាជាឈ្មោះបុរសនេះ ឬអ្នកផ្សេងទេ ។ តាមប្រភពព័ត៌មានឱ្យដឹងថា មុនពេលកើតហេតុ ជនរងគ្រោះជិះម៉ូតូម៉ាកហុងដាឌ្រីមសេ១២៥ ស៊េរី២០១២ ពណ៌ខ្មៅ ពាក់ស្លាកលេខ ភ្នំពេញ1AX-2644ទាំងស្រវឹងស្រាជោក ក្នុងទិសដៅពីកើតទៅលិចក្នុងល្បឿនលឿនគួរសម ។
លុះពេលទៅដល់ត្រង់ចំណុចកើតហេតុ ដែលមានទួលកាត់ទទឹងផ្លូវសម្រាប់ឱ្យយានយន្ដបន្ថយល្បឿនឈប់បង់ប្រាក់នោះ ម៉ូតូក៏បុកពេញទំហឹង ហើយអ្នកបើកបរស្រវឹងទន់ខ្លួនផងក៏ដួលបោកប្រាវទៅលើថ្នល់ រងរបួសបែកមុខបែកមាត់សន្លប់ស្ដូកស្ដឹងតែម្ដង ៕
ចែករំលែកព័តមាននេះ