ទីភ្នាក់ងារព័ត៌មានបរទេសបានផ្សាយថា លោកស្រី រ៉េនូកូមា៉ារី ឃុចវ៉ាហា រដ្ឋមន្ត្រីគ្រប់គ្រងផ្នែកគ្រោះវិបត្តិក្នុងរដ្ឋប៊ីហា ប្រទេសឥណ្ឌា បានបង្ហើបឱ្យដឹងថា យ៉ាងហោចណាស់ មានមនុស្សស្លាប់ចំនួន២៧នាក់ ក្នុងហេតុការណ៍ព្យុះភ្លៀង និងរន្ទះបាញ់ កាលពីថ្ងៃទី៤ មិថុនាកន្លងមកនេះ ។
ទីភ្នាក់ងារព័ត៌មានបរទេសបានផ្សាយថា លោកស្រី រ៉េនូកូមា៉ារី ឃុចវ៉ាហា រដ្ឋមន្ត្រីគ្រប់គ្រងផ្នែកគ្រោះវិបត្តិក្នុងរដ្ឋប៊ីហា ប្រទេសឥណ្ឌា បានបង្ហើបឱ្យដឹងថា យ៉ាងហោចណាស់ មានមនុស្សស្លាប់ចំនួន២៧នាក់ ក្នុងហេតុការណ៍ព្យុះភ្លៀង និងរន្ទះបាញ់ កាលពីថ្ងៃទី៤ មិថុនាកន្លងមកនេះ ។
មន្ត្រីម្នាក់នៅក្នុងក្រសួងគ្រប់គ្រងគ្រោះវិបត្តិបាតុភូតធម្មជាតិនេះថ្លែងថា ក្នុងចំណោមអ្នកស្លាប់ដោយសាររន្ទះបាញ់ មានកុមារចំនួន៦នាក់ ខណៈពេលកំពុងលេងបាល់ទាត់នៅទីវាល។ គួរកត់សម្គាល់ថា ផ្គររន្ទះនៅក្នុងរដូវវស្សារវាងពីខែមិថុនា ដល់ខែកញ្ញា តែងកើតឡើងជាប្រចាំក្នុងរដ្ឋនោះ ខណៈពេលប្រជាជនជាច្រើនត្រូវរស់នៅក្នុងផ្ទះខ្ទមដែលមានដំបូលប្រាក់ស្លឹក ទើបប្រឈមមុខនឹងបាតុភូតធម្មជាតិនេះ ។នាយកដ្ឋានឧតុនិយមរបស់ឥណ្ឌាផ្សាយថា នៅរដូវវស្សាអាចធ្វើឱ្យកើតទឹកជំនន់ក្នុងរដ្ឋប៊ីហា ស្ថិតនៅជាប់នឹងរដ្ឋឧត្តរប្រទេស ចាប់តាំងពីថ្ងៃទី១២ មិថុនាខាងមុខនេះតទៅ ៕
ចែករំលែកព័តមាននេះ