សារព័ត៌មានបរទេសកាលពីពេល ថ្មីៗកន្លងមកផ្សាយថា ព្រះនាងអាយ៉ាកូ(Ayako) របស់ជប៉ុនបានរៀបអភិសេកជាមួយបុរសសាមញ្ញ កាលពីព្រឹកថ្ងៃទី២៩ តុលា ២០១៨ស្របតាមទំនៀមទម្លាប់បុរាណ នៅចេតិយ«Meiji» ក្នុងទីក្រុងតូក្យូ ប្រទេសជប៉ុន…
សារព័ត៌មានបរទេសកាលពីពេល ថ្មីៗកន្លងមកផ្សាយថា ព្រះនាងអាយ៉ាកូ(Ayako) របស់ជប៉ុនបានរៀបអភិសេកជាមួយបុរសសាមញ្ញ កាលពីព្រឹកថ្ងៃទី២៩ តុលា ២០១៨ស្របតាមទំនៀមទម្លាប់បុរាណ នៅចេតិយ«Meiji» ក្នុងទីក្រុងតូក្យូ ប្រទេសជប៉ុន ។
ព្រះនាងអាយ៉ាកូ មានព្រះជន្មាយុ២៧ ព្រះវស្សាជាព្រះធីតាអង្គតូចរបស់ព្រះអង្គNorihito បានរៀបអភិសេកជាមួយលោកកេអ៊ី ម៉ូរីយ៉ា(Kei Moriya) ជាគូដណ្ដឹងមានអាយុ៣២ឆ្នាំ ក្រោយពីអ្នកទាំង២បានភ្ជាប់ពាក្យកាលពីដើមឆ្នាំកន្លងមក ។
ការរៀបអភិសេកនេះបានរៀបចំតាមប្រពៃណីទំនៀមទម្លាប់លទ្ធិ«ស៊ីនតូ» ដោយមានការប្តូរចិញ្ចៀន និងពិសាស្រា«សាកេ» ឬស្រា.សជប៉ុន ។ មានព្រះរាជវង្សានុវង្ស និងភ្ញៀវកិត្តិយសចូលរួមច្រើនកុះករ ។
តាមច្បាប់របស់ជប៉ុន ព្រះនាងអាយ៉ាកូត្រូវបោះបង់សែរាជវង្ស ក្រោយពីរៀបអភិសេកជាមួយជនសាមញ្ញ ដោយព្រះនាងបានប្រារព្ធពិធីលាចាកពីរាជវង្សកាលពីសប្ដាហ៍មុនមកហើយ ។
ស្របពេលជាមួយគ្នានេះជប៉ុនក៏គ្រោងរៀបអភិសេកព្រះនាងMako ជាចៅរបស់ព្រះអធិរាជakihito និងលោកKei Komuro ជាគូដណ្ដឹងដោយពិធីនេះនឹងរៀបចំឡើងនៅក្នុងឆ្នាំ២០២០ ៕
ចែករំលែកព័តមាននេះ