ទីក្រុងម៉ូស្គូ៖ លោកពូទីនថ្លែងថាករណីដែលអាមេរិកទម្លាក់គ្រាប់បែកទៅលើទីតាំងនុយក្លេអ៊ែររបស់អ៊ីរ៉ង់ជាទង្វើមិនត្រឹមត្រូវទេ ហើយអាចនឹងរុញច្រានពិភពលោកឱ្យធ្លាក់ទៅក្នុងមហន្តរាយ។ លោកពូទីនសន្យាថានឹងជួយប្រជាជនអ៊ីរ៉ង់។ លោកត្រាំ និងអ៊ីស្រាអែលធ្លាប់បាននិយាយជាចំហថាពួកគេចង់ធ្វើឃាតមេដឹកនាំកំពូលអ៊ីរ៉ង់ អាយ៉ាតូឡា អាលី ខាមេនី និងដូររបបដឹកនាំនៅអ៊ីរ៉ង់។…
ទីក្រុងម៉ូស្គូ៖ លោកពូទីនថ្លែងថាករណីដែលអាមេរិកទម្លាក់គ្រាប់បែកទៅលើទីតាំងនុយក្លេអ៊ែររបស់អ៊ីរ៉ង់ជាទង្វើមិនត្រឹមត្រូវទេ ហើយអាចនឹងរុញច្រានពិភពលោកឱ្យធ្លាក់ទៅក្នុងមហន្តរាយ។ លោកពូទីនសន្យាថានឹងជួយប្រជាជនអ៊ីរ៉ង់។ លោកត្រាំ និងអ៊ីស្រាអែលធ្លាប់បាននិយាយជាចំហថាពួកគេចង់ធ្វើឃាតមេដឹកនាំកំពូលអ៊ីរ៉ង់ អាយ៉ាតូឡា អាលី ខាមេនី និងដូររបបដឹកនាំនៅអ៊ីរ៉ង់។ រុស្ស៊ីចាត់ទុកថាវិធានការទាំងនេះអាចនឹងរុញច្រានតំបន់មជ្ឈិមបូព៌ាឱ្យធ្លាក់ទៅក្នុងអន្លង់ជ្រៅនៃសង្គ្រាម។
លោកពូទីនថ្លែងប្រាប់រដ្ឋមន្ត្រីការបរទេសអ៊ីរ៉ង់ថាការវាយប្រហារអ៊ីរ៉ង់ហាក់ដូចជាមិនសមហេតុផលទាល់តែសោះ។ លោកចង់និយាយអំពីការធ្វើឱ្យសភាពការណ៍ស្ងប់ស្ងាត់ឡើងវិញ។ ជាជំហររបស់រុស្ស៊ី រុស្ស៊ីចង់ជួយប្រជាជនអ៊ីរ៉ង់។ រដ្ឋមន្ត្រីការបរទេសអ៊ីរ៉ង់ត្រៀមប្រគល់លិខិតមួយច្បាប់ដែលសរសេរដោយអគ្គមគ្គុទ្ទេសក៍ផ្ញើជូនលោកពូទីនដើម្បីស្នើសុំជំនួយពីរុស្ស៊ី។
នៅក្នុងកិច្ចជំនួបជាមួយមន្ត្រីជាន់ខ្ពស់យោធាក្រោយនមកទៀត លោកពូទីនកត់សម្គាល់ថាស្ថានការណ៍នៅមជ្ឈិមបូព៌ាកាន់តែឡើងកម្ដៅដោយសារមានប្រទេសមហាអំណាចជ្រៀតជ្រែក។ ប៉ុន្តែលោកមិនបានបញ្ចេញឈ្មោះប្រទេសអាមេរិកទេ។ លោកពូទីនថ្លែងថាប្រទេសមហាអំណាចក្រៅតំបន់ត្រូវបានអូសទាញឱ្យចូលទៅក្នុងជម្លោះនេះដែរ។ សកម្មភាពទាំងនេះហើយដែលនាំមកនូវគ្រោះថ្នាក់សម្រាប់ពិភពលោក។
គួរកត់សម្គាល់ថាអ៊ីរ៉ង់ហាក់ដូចជាមិនសូវពេញចិត្តប៉ុន្មានទេដែលរុស្ស៊ីក្នុងនាមជាសម្ព័ន្ធមិត្តជាមួយគ្នាបែរជាមិនសូវចេញមុខគាំទ្រអ៊ីរ៉ង់ឱ្យបានពេញទំហឹង។ នេះបើតាមការបង្ហើបឱ្យដឹងពីមន្ត្រីរដ្ឋាភិបាលអ៊ីរ៉ង់។ អ៊ីរ៉ង់ចង់ឃើញលោកពូទីនខិតខំឱ្យបានច្រើនជាងនេះដើម្បីទប់ទល់នឹងអាមេរិក និងអ៊ីស្រាអែល។ រុស្ស៊ីទិញអាវុធពីអ៊ីរ៉ង់ និងចុះហត្ថលេខាលើភាពជាដៃគូយុទ្ធសាស្ត្ររយៈពេលម្ភៃឆ្នាំ។ ប៉ុន្តែនៅក្នុងកិច្ចព្រមព្រៀងនោះមិនបាននិយាយអំពីកិច្ចសហការខាងវិស័យការពារជាតិទេ៕
ចែករំលែកព័តមាននេះ