រាជធានីភ្នំពេញ ៖ គ្រឿងចក្រប្រភេទរ៉ូឡូកិនថ្នល់របស់ក្រុមហ៊ុនមួយ បានកិនម៉ូតូសង់កូរ៉េ ពណ៌ក្រហម ពាក់ស្លាកលេខ ភ្នំពេញ1BT-8665ជាប់ពីក្រោម ឯអ្នកបើកម៉ូតូខ្ទាតចេញក្រៅ តែមិនមានរបួសទេ ។ គ្រោះថ្នាក់នេះកើតឡើងកាលពីវេលាម៉ោង៨និង២៦នាទីព្រឹក ថ្ងៃទី៥ មិថុនា នៅចំណុចផ្លូវលេខ៤៨៨ កែងមហាវិថីព្រះមុនីវង្ស មុខវិទ្យាល័យបឹងត្របែក ក្នុងសង្កាត់ទន្លេបាសាក់ ខណ្ឌ
រាជធានីភ្នំពេញ ៖ គ្រឿងចក្រប្រភេទរ៉ូឡូកិនថ្នល់របស់ក្រុមហ៊ុនមួយ បានកិនម៉ូតូសង់កូរ៉េ ពណ៌ក្រហម ពាក់ស្លាកលេខ ភ្នំពេញ1BT-8665ជាប់ពីក្រោម ឯអ្នកបើកម៉ូតូខ្ទាតចេញក្រៅ តែមិនមានរបួសទេ ។ គ្រោះថ្នាក់នេះកើតឡើងកាលពីវេលាម៉ោង៨និង២៦នាទីព្រឹក ថ្ងៃទី៥ មិថុនា នៅចំណុចផ្លូវលេខ៤៨៨ កែងមហាវិថីព្រះមុនីវង្ស មុខវិទ្យាល័យបឹងត្របែក ក្នុងសង្កាត់ទន្លេបាសាក់ ខណ្ឌចំការមន ។
ប្រភពព័ត៌មានឱ្យដឹងថា មុនពេលកើតហេតុរ៉ូឡូកិនថ្នល់ ពណ៌លឿង បើកតាមមហាវិថីព្រះមុនីវង្សពីជើងទៅត្បូងស្របគ្នាជាមួយម៉ូតូសង់កូរ៉េ ។ ខណៈមកដល់ចំណុចខាងលើ រ៉ូឡូកិនថ្នល់ បម្រុងបត់ឆ្វេងទៅផ្លូវលេខ៤៨៨ តែមើលអត់ឃើញម៉ូតូដែលនៅខាងឆ្វេងដៃ ទើបបណ្ដាលឱ្យបុកម៉ូតូខ្ទាតចូលក្រោមរ៉ូឡូកិនជាប់ ចំណែកអ្នកបើកម៉ូតូខ្ទាតចេញក្រៅ ។
អ្នកបើករ៉ូឡូកិនថ្នល់ឈ្មោះ ផ្លេ វណ្ណា ភេទប្រុស អាយុ៤៥ឆ្នាំ ស្នាក់នៅការដ្ឋានចល័ត មានលំនៅខេត្ដកំពង់ចាម ។ ចំណែកជនរងគ្រោះជាអ្នកបើកម៉ូតូឈ្មោះ នុប សម្បត្ដិ ភេទប្រុស អាយុ២០ឆ្នាំ ជាបុគ្គលិកក្រុមហ៊ុន ស្នាក់នៅសង្កាត់បឹងទំពុន ខណ្ឌមានជ័យ ហើយម៉ូតូដែលខូចខាតជារបស់ក្រុមហ៊ុន ។ ក្រោយពេលកើតហេតុ ម៉ូតូដែលនៅជាប់ក្រោមរ៉ូឡូនោះ ត្រូវក្រុមអ្នកជួសជុលផ្លូវចាប់ទាញចេញមកក្រៅបានខូចខាតស្ទើរទាំងស្រុង ត្រូវតំណាងក្រុមហ៊ុនទាមទារ ឱ្យខាងរ៉ូឡូកិនថ្នល់សងម៉ូតូ ៕
ចែករំលែកព័តមាននេះ