អ្នកដំណើរមិនពាក់ខ្សែក្រវាត់ក្នុងពេលជិះយន្ដហោះអាចទទួលការពិន័យ ព្រោះប្រសិនបើយន្ដហោះធ្លាក់រណ្ដៅអាកាសក្នុងអំឡុងពេលកំពុងផ្ដល់សេវាកម្មអាហារអាចបង្កឱ្យមានគ្រោះថ្នាក់ ។ យន្ដហោះរបស់ក្រុមហ៊ុនអាកាសចរណ៍សិង្ហបុរី ក្នុងជើងហោះហើរ SQ308 ចេញដំណើរពីសិង្ហបុរីឆ្ពោះទៅក្រុងឡុងដ៍ កាលពីច្រើនខែមុន បានប្រឈមមុខនឹងហេតុការណ៍គួរឱ្យរន្ធត់នេះ នៅពេល
អ្នកដំណើរមិនពាក់ខ្សែក្រវាត់ក្នុងពេលជិះយន្ដហោះអាចទទួលការពិន័យ ព្រោះប្រសិនបើយន្ដហោះធ្លាក់រណ្ដៅអាកាសក្នុងអំឡុងពេលកំពុងផ្ដល់សេវាកម្មអាហារអាចបង្កឱ្យមានគ្រោះថ្នាក់ ។ យន្ដហោះរបស់ក្រុមហ៊ុនអាកាសចរណ៍សិង្ហបុរី ក្នុងជើងហោះហើរ SQ308 ចេញដំណើរពីសិង្ហបុរីឆ្ពោះទៅក្រុងឡុងដ៍ កាលពីច្រើនខែមុន បានប្រឈមមុខនឹងហេតុការណ៍គួរឱ្យរន្ធត់នេះ នៅពេលយន្ដហោះធ្លាក់រណ្ដៅអាកាសរហូតធ្វើឱ្យយន្ដហោះញ័ររញ្ជួយ ខណៈពេលបុគ្គលិកបម្រើការលើយន្ដហោះកំពុងផ្ដល់អាហារពេលព្រឹក ។ លោក អាឡាន គ្រូស មនុស្សម្នាក់ក្នុងចំណោមអ្នកដំណើរ ដែលឃើញពែងកាហ្វេរបស់ខ្លួនអណ្ដែតទៅទង្គិចនឹងពិដានយន្ដហោះ ហើយលោកក៏បានថតរូបភាពទុក និងចុះផ្សាយតាមអីុធើរណេតដែរ ។
លោកបានបញ្ជាក់ប្រាប់ ABC ថា អ្នកដំណើរបានទទួលការប្រកាសអាសន្នជាមុនថា យន្ដហោះកំពុងប្រឈមមុខនឹងអាកាសធាតុត្រជាក់ និងរណ្ដៅអាកាសឱ្យបុគ្គលិកផ្អាកចែកអាហារជាបណ្ដោះអាសន្ន ។ ក្រោយមកក៏មានការប្រកាសឱ្យពាក់ខ្សែក្រវាត់សុវត្ថិភាពដល់អ្នកដំណើរ ។ លោក គ្រូស បានគូសបញ្ជាក់ថា «អ្វីដែលកើតឡើងក្នុងយន្ដហោះ ស្រដៀងនឹងកន្ដ្រកជណ្ដើរយន្ដបានដាច់ខ្សែ ឬស្រដៀងនឹងការលោតចុះពីទីខ្ពស់អញ្ចឹង» ។
ទាក់ទិននឹងហេតុការណ៍ក្នុងយន្ដហោះខាងលើលោក គ្រូសបានបញ្ជាក់បន្ថែមក្នុងន័យកោតសរសើរថា «បុគ្គលិកគ្រប់រូបបំពេញតួនាទីដ៏ល្អឥតខ្ចោះ រួមទាំងអ្នកដំណើរផ្សេងទៀត ក៏ជួយគ្នាប្រមែប្រមូលអាហារដែលកម្ពប់រាយប៉ាយលើយន្ដហោះ ខណៈពេលស្ថានភាពវិលមកក្នុងស្ថានភាពប្រក្រតី» ៕
ចែករំលែកព័តមាននេះ