នារីសកម្មជននៃចលនា FEMEN ជនជាតិអ៊ុយក្រែនម្នាក់បានត្រូវប៉ូលិសចាប់ខ្លួននៅទីក្រុងទុយនីស បន្ទាប់មកចាប់បណ្តេញចេញពីប្រទេសទុយនីស៊ី កាលពីថ្ងៃទី៤ មិថុនា មុនពេលបើកសវនាការកាត់ទោសនារីក្រុមនិយមធ្វើចលនាទុកដោះកណ្តាលវាលនោះ៣នាក់ ។
នារីសកម្មជននៃចលនា FEMEN ជនជាតិអ៊ុយក្រែនម្នាក់បានត្រូវប៉ូលិសចាប់ខ្លួននៅទីក្រុងទុយនីស បន្ទាប់មកចាប់បណ្តេញចេញពីប្រទេសទុយនីស៊ី កាលពីថ្ងៃទី៤ មិថុនា មុនពេលបើកសវនាការកាត់ទោសនារីក្រុមនិយមធ្វើចលនាទុកដោះកណ្តាលវាលនោះ៣នាក់ ។
នាង INNA SHEVHENKO ជាអ្នកលេចធ្លោម្នាក់នៃក្រុម FEMEN ថ្លែងថា បុរសមួយក្រុមបានចូលមកក្នុងបន្ទប់សណ្ឋាគាររបស់នាង ហើយបញ្ជានាងឱ្យរៀបចំអីវ៉ាន់ រួចនាំខ្លួននាងមកកាន់ស្នងការដ្ឋានប៉ូលិសដើម្បីសួរចម្លើយពីបំណងរបស់នាងពិសេសថា តើនាងចង់ធ្វើសកម្មភាពទុកដោះកណ្តាលវាលដែរ ឬយ៉ាងណា។ បន្ទាប់មករូបនាងត្រូវចាប់បណ្តេញចេញហើយនាងបានជិះយន្តហោះមកកាន់ក្រុងគៀវវិញ ។ លិខិតឆ្លងដែនរបស់នាងត្រូវបានប្រគល់ឱ្យអ្នកបើកយន្តហោះ ។
នាង INNA SHEVEHENKO បន្តថា ពួកភ្នាក់ងារពិសេសទុយនីស៊ីដឹងថា មាននារីក្រុម FEMEN ម្នាក់កំពុងស្ថិតនៅក្នុងក្រុងទុយនីស ហើយពួកគេខ្លាចនាងធ្វើសកម្មភាពនានា ។ ទុយនីស៊ីបង្ហាញមុខមាត់ជាប្រទេសផ្តាច់ការពិតប្រាកដមួយ ។
នារីសកម្មជនក្រុម FEMEN ៣នាក់ ក្នុងនោះមានជនជាតិបារាំង២នាក់ និងអាលឺម៉ង់ម្នាក់អាចមានទោសជាប់គុកពីបទធ្វើបាតុកម្មទុកដោះកណ្តាលវាលកាលពីសប្តាហ៍មុននៅក្រុងទុយនីស ដើម្បីជាការជួយគាំទ្រដល់នារីទុយនីស៊ីម្នាក់ នាងអាមីណា ដែលត្រូវចាប់ឃុំឃាំងនៅទុយនីស៊ី ចាប់តាំងពីថ្ងៃទី១៩ ឧសភា មក ។
យុវនារីអាយុ១៨ឆ្នាំរូបនេះ ត្រូវចៅក្រមស៊ើបអង្កេតម្នាក់សួរចម្លើយនាថ្ងៃទី៥ មិថុនា ពីបទនាងហ៊ានគូររូបនារីក្រុម FEMEN លើជញ្ជាំងនៃកន្លែងបញ្ចុះសពមួយ ហើយនាងអាចត្រូវកាត់ទោសដាក់គុក២ឆ្នាំ ពីបទប្រមាថដល់ទីបញ្ចុះសព ៕
ចែករំលែកព័តមាននេះ