រាជធានីភ្នំពេញ ៖ រនាំងដែកចែកទ្រូងផ្លូវ៥ផ្ទាំងបានបាក់ដួលពេញផ្លូវ ដោយសារថយន្តកាមរីគូទហើម ពណ៌ស្ករ បើកដោយបុរសជនជាតិចិនស្រវឹងធ្លាក់ភ្នែកបុក កាលពីវេលាម៉ោង១២និង៥០នាទីរំលងអធ្រាត្រ ឈានចូលថ្ងៃទី៥ មិថុនា តាមបណ្តោយមហាវិថីសហព័ន្ធរុស្ស៊ីទល់មុខក្រុមហ៊ុនមួយកន្លែង ក្នុងសង្កាត់ទឹកថ្លា ខណ្ឌសែនសុខ ។
រាជធានីភ្នំពេញ ៖ រនាំងដែកចែកទ្រូងផ្លូវ៥ផ្ទាំងបានបាក់ដួលពេញផ្លូវ ដោយសារថយន្តកាមរីគូទហើម ពណ៌ស្ករ បើកដោយបុរសជនជាតិចិនស្រវឹងធ្លាក់ភ្នែកបុក កាលពីវេលាម៉ោង១២និង៥០នាទីរំលងអធ្រាត្រ ឈានចូលថ្ងៃទី៥ មិថុនា តាមបណ្តោយមហាវិថីសហព័ន្ធរុស្ស៊ីទល់មុខក្រុមហ៊ុនមួយកន្លែង ក្នុងសង្កាត់ទឹកថ្លា ខណ្ឌសែនសុខ ។
លោកអនុសេនីយ៍ត្រី អៀន វ៉ិច មន្ត្រីចរាចរដែលឈរជើងប្រចាំការនៅក្រោមស្ពាន អាកាស៧មករា ឱ្យដឹងថា មុនពេលកើតេហតុ រថយន្តកាមរីគូទហើម ពណ៌ស្ករ មួយគ្រឿងពាក់ស្លាកលេខភ្នំពេញ២H -២៥៥៨ បើកដោយបុរសចំណាស់ជាជនជាតិចិនម្នាក់យ៉ាងលឿន តាមមហាវិថីសហព័ន្ធរុស្ស៊ីក្នុងទិសដៅពីលិចទៅកើត លុះមកដល់ចំណុចមុខក្រុមហ៊ុនមួយកន្លែង ព្យាយាមវា៉រថយន្តមួយគ្រឿងនៅពីមុខ ក៏ជ្រុលចង្កូតទៅបុករនាំងដែកពុះចែកទ្រូងផ្លូវពេញទំហឹងបណ្តាលឱ្យខូចខាតអស់៥ផ្ទាំង ។
ក្រោយកើតហេតុរថយន្តបើករត់ទាំងបែកកង់មុខខាងស្តាំប្រមាណជា២០០ម៉ែត្រ ក៏ត្រូវប៉ូលិសចរាចរប្រចាំការនៅក្រោមស្ពានអាកាស៧មករា ឃាត់បានទាំងរថយន្តនិងអ្នកបើកបរ ។រថយន្តនិងអ្នកបើកបរត្រូវសមត្ថកិច្ចបញ្ជូនទៅការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញ ៕
ចែករំលែកព័តមាននេះ