ប្រភពព័ត៌មានការទូតនៅខាងក្រៅកិច្ចប្រជុំមួយរបស់ទីភ្នាក់ងារថាមពលបរមាណូអន្តរជាតិ នាទីក្រុងវីយែនគូសបញ្ជាក់ថា ការរញ្ជួយដីមួយចំនួនកើតមាននៅអីុរ៉ង់បានធ្វើឱ្យខូចខាតដល់មជ្ឈមណ្ឌលនុយក្លេអ៊ែរ BOUCHEHR អីុរ៉ង់ព្រោះមានស្នាមប្រេះធំលើរចនាសម្ព័ន្ធ ។ ព័ត៌មាននោះញ៉ាំងឱ្យមានការបង្កើនប្រព័ន្ធត្រួតពិនិត្យនុយក្លេអ៊ែររបស់ប្រទេសជាច្រើន ។
ប្រភពព័ត៌មានការទូតនៅខាងក្រៅកិច្ចប្រជុំមួយរបស់ទីភ្នាក់ងារថាមពលបរមាណូអន្តរជាតិ នាទីក្រុងវីយែនគូសបញ្ជាក់ថា ការរញ្ជួយដីមួយចំនួនកើតមាននៅអីុរ៉ង់បានធ្វើឱ្យខូចខាតដល់មជ្ឈមណ្ឌលនុយក្លេអ៊ែរ BOUCHEHR អីុរ៉ង់ព្រោះមានស្នាមប្រេះធំលើរចនាសម្ព័ន្ធ ។ ព័ត៌មាននោះញ៉ាំងឱ្យមានការបង្កើនប្រព័ន្ធត្រួតពិនិត្យនុយក្លេអ៊ែររបស់ប្រទេសជាច្រើន ។
ទោះជាយ៉ាងណាកាលពីថ្ងៃទី៩និងទី១៧ មេសា ក៏ដូចជានៅថ្ងៃទី១១ ឧសភាដែរ អាជ្ញាធរអីុរ៉ង់អះអាងថា ការរញ្ជួយដីជាបន្តបន្ទាប់ដែលកើតមាននៅលើដែនដីខ្លួនពុំបណ្តាលឱ្យមានការខូចខាតណាមួយដល់មជ្ឈមណ្ឌលនុយក្លេអ៊ែរឡើយ និងថាមជ្ឈមណ្ឌលនុយក្លេអ៊ែររបស់ខ្លួនអាចទប់ទល់បានចំពោះការរញ្ជួយដីខ្លាំងៗទៀតផង ។ ម្យ៉ាងវិញទៀត អាជ្ញាធរអីុរ៉ង់គូសបញ្ជាក់២លើកមកហើយប្រាប់ទីភ្នាក់ងារថាមពលបរមាណូអន្តរជាតិថា េរអាក់ទ័របានបិទដំណើរការកាលពីខែកុម្ភៈ និងខែឧសភា តែពុំបញ្ជាក់ពីហេតុផលនោះទេ ។
តាំងពីចាប់ផ្តើមដំណើរការកាលពីខែកញ្ញា ឆ្នាំ២០១១មក បញ្ហាបច្ចេកទេសទាំងឡាយតែងកើតមាន ញ៉ាំងឱ្យក្រុងតេហេរ៉ង់បញ្ឈប់ដំណើរការររេអាក់ទ័រនុយក្លេអ៊ែរខ្លួនជាច្រើនលើក ហើយមានរយៈពេលយូរទៀតផង ។អីុរ៉ង់ជាប្រទេសតែមួយគត់មានទីតាំងនុយក្លេអ៊ែរបដិសេធមិនចូលរួមក្នុងអនុសញ្ញាអន្តរជាតិស្តីពីសន្តិសុខនុយក្លេអ៊ែរបង្កើតឡើងក្រោយគ្រោះមហន្តរាយនុយក្លេអ៊ែរនៅ TCHERNOBYL ។
ការព្រួយបារម្ភរបស់បណ្តាប្រទេសជិតខាងអីុរ៉ង់ចំពោះមជ្ឈមណ្ឌលនុយក្លេអ៊ែរ BOUCHEHR មានកាន់តែខ្លាំងឡើង ។ ពួកអ្នកធ្វើអធិការកិច្ចរបស់ទីភ្នាក់ងារថាមពលបរមាណូអន្តរជាតិពុំត្រូវបានអនុញ្ញាតឱ្យធ្វើការត្រួតពិនិត្យសន្តិសុខឡើយ ។អ្នកការទូត២រូបដែលមិនបញ្ចេញឈ្មោះនិយាយថា បេតុងនៃមជ្ឈមណ្ឌលនុយក្លេអ៊ែរ BOUCHEHR មានស្នាមប្រេះធំ ហើយវែង មកពីការរញ្ជួយដី២កាលពីខែមេសា ៕
ចែករំលែកព័តមាននេះ