រាជធានីភ្នំពេញ ៖ រថយន្ត ៣គ្រឿង បានបុកបន្តកន្ទុយគ្នា បណ្តាលឱ្យខូចខាតយ៉ាងដំណំ ខណៈដែលម្ចាស់ប្រកែកចរចាគ្នាមិនត្រូវបង្កឱ្យកកស្ទះចរាចរណ៍មួយសន្ទុធំ ទើបសមត្ថកិច្ចចុះមកអន្តរាគមន៍ ដែលហេតុការណ៍នេះ បានកើតឡើងកាលពីវេលាម៉ោង ១៩ និង ១៥នាទីយប់ ថ្ងៃទី០៤ មិថុនា ២០១៣ នៅចំណុចផ្លូវ
រាជធានីភ្នំពេញ ៖ រថយន្ត ៣គ្រឿង បានបុកបន្តកន្ទុយគ្នា បណ្តាលឱ្យខូចខាតយ៉ាងដំណំ ខណៈដែលម្ចាស់ប្រកែកចរចាគ្នាមិនត្រូវបង្កឱ្យកកស្ទះចរាចរណ៍មួយសន្ទុធំ ទើបសមត្ថកិច្ចចុះមកអន្តរាគមន៍ ដែលហេតុការណ៍នេះ បានកើតឡើងកាលពីវេលាម៉ោង ១៩ និង ១៥នាទីយប់ ថ្ងៃទី០៤ មិថុនា ២០១៣ នៅចំណុចផ្លូវលេខ៧០ ក្នុងសង្កាត់ស្រះចក ខណ្ឌដូនពេញ មុខផ្ទះសំណាក់មហាសម្បត្តិ ។
តាមប្រភពព័ត៌មានបានឱ្យដឹងថា ដំបូងរថយន្តទី១ ម៉ាកវីហ្គូពណ៌ទឹកប្រាក់ ១គ្រឿង ពាក់ស្លាកលេខ ភ្នំពេញ 2P-9594 បានវ៉ាក់អឺនឹងម៉ូតូ ១គ្រឿង មិនចាំស្លាកលេខ ក៏ត្រូវរថយន្តទី២ ម៉ាកឡិចស៊ីស RX300 ពណ៌ស្ករ ពាក់ស្លាកលេខ ភ្នំពេញ 2H-0957 បុកពីក្រោយបណ្តាលឱ្យរថយន្តវីហ្គូខ្ទេចកាងក្រោយ ស្របពេលនោះ ក៏មានរថយន្តកូរ៉ូណាសេរីចាស់ពណ៌ប្រផេះ ១គ្រឿងទៀត ពាក់ស្លាកលេខ ភ្នំពេញ 2F-2172 បុកពីក្រោយបន្ថែមទៀត ព្រោះចាប់ហ្រ្វាំងមិនទាន់ បណ្តាលឱ្យខ្ទេចដំបូលមុខ ចំណែករថយន្តកូរ៉ូណាខ្ទេចកាងមុខក្រោយ ។
ក្រោយកើតហេតុម្ចាស់រថយន្តទាំង៣ បានចុះមកប្រកែកគ្នាយកត្រូវរៀងៗខ្លួន បង្កឱ្យកកស្ទះចរាចរណ៍ទើបសមត្ថកិច្ចបាននាំយករថយន្តទាំង ៣គ្រឿងនោះ ទៅរក្សាទុកនៅការិយាល័យប៉ូលិសចរាចរណ៍ជើងគោករាជធានីភ្នំពេញ ដើម្បីឱ្យម្ចាស់ចូលខ្លួនទៅដោះស្រាយ ៕
ចែករំលែកព័តមាននេះ