ប្រតិភូរបស់ប្រទេសជាច្រើន ក្នុងនោះមានបារាំង តែសហរដ្ឋអាមេរិកនៅរង់ចាំ បានចុះហត្ថលេខាកាលពីថ្ងៃទី៣ មិថុនា នៅឯ អ.ស.ប លើសន្ធិសញ្ញា ស្តីពីពាណិជ្ជកម្មអាវុធ ដោយសំដៅធ្វើឱ្យមានរបៀបរៀបរយដល់ទីផ្សារអាវុធ ដែលមានទឹកប្រាក់ដល់ទៅ៧០ពាន់លានដុល្លារ ។
ប្រតិភូរបស់ប្រទេសជាច្រើន ក្នុងនោះមានបារាំង តែសហរដ្ឋអាមេរិកនៅរង់ចាំ បានចុះហត្ថលេខាកាលពីថ្ងៃទី៣ មិថុនា នៅឯ អ.ស.ប លើសន្ធិសញ្ញា ស្តីពីពាណិជ្ជកម្មអាវុធ ដោយសំដៅធ្វើឱ្យមានរបៀបរៀបរយដល់ទីផ្សារអាវុធ ដែលមានទឹកប្រាក់ដល់ទៅ៧០ពាន់លានដុល្លារ ។
មហាសន្និបាត ៊អ.ស.ប បានអនុម័តកាលពីថ្ងៃទី២ មេសា ដោយសំឡេងភាគច្រើន(១៥៤សំឡេងគាំទ្រទល់នឹង៣សំឡេងប្រឆាំង និង២៣សំឡេងអនុប្បវាទ) នូវសន្ធិសញ្ញាអន្តរជាតិដំបូងនោះ ស្តីពីអាវុធធម្មតា ។ ទិសដៅនៃសន្ធិសញ្ញានេះគឺចៀសវាងអាវុធដែលធ្វើចរាចរណ៍លើទីផ្សារពិភពលោកផ្លូវការធ្លាក់់ទៅក្នុងដៃពួកជនផ្តាច់ការ ឬពួកឧក្រិដ្ឋជន ។រដ្ឋមន្ត្រីការបរទេសអាហ្សង់ទីន លោក HECTOR TIMERMAN ជាអ្នកចុះហត្ថលេខាមុនគេលើសន្ធិសញ្ញានោះក្នុងពិធីដែលរៀបចំធ្វើនៅទីស្នាក់ការ អ.ស.ប ។
អ.ស.ប គូសបញ្ជាក់ថា ប្រទេសចំនួន៦២នៅអឺរ៉ុប អាមេរិកឡាទីន អាស៊ី និងអាហ្វ្រិក បានចុះហត្ថលេខាលើសន្ធិសញ្ញានោះនាព្រឹកថ្ងៃទី៣ មិថុនា ។
សហរដ្ឋអាមេរិក ជាប្រទេសនាំចេញអាវុធធំជាងគេលើពិភពលោកនោះ តាមរយៈសេចក្តីប្រកាសមួយរដ្ឋមន្ត្រីការបរទេសប្រទេសនោះ លោកចន គ័ររី គូសបញ្ជាក់ថា នឹងចុះហត្ថលេខាលើសន្ធិសញ្ញានោះរហូតដល់ការបកប្រែផ្លូវការធ្វើរួចរាល់សិន ។សន្ធិសញ្ញានេះ គ្រោងឱ្យមានលក្ខណៈវិនិច្ឆ័យសម្រាប់ការបញ្ជូនឆ្លងកាត់ព្រំដែននូវអាវុធធម្មតា គិតចាប់តាំងពីកាំភ្លើងខ្លី រហូតដល់រថក្រោះ និងឧទ្ធម្ភាគចក្រប្រយុទ្ធ ។ សន្ធិសញ្ញានោះក៏តម្រូវផងដែរដល់បណ្តារដ្ឋឱ្យត្រួតពិនិត្យថា អាវុធទាំងនោះពុំត្រូវប្រើប្រាស់ក្នុងគោលដៅភេរវកម្ម រំលោភបំពានសិទ្ធិមនុស្ស ឬឧក្រិដ្ឋកម្មដែលមានការរៀបចំ ។អីុរ៉ង់ ស៊ីរី និងកូរ៉េខាងជើងបានបោះឆ្នោតប្រឆាំងសន្ធិសញ្ញានេះ ចំណែករុស្ស៊ី និងចិន បោះឆ្នោតអនុប្បវាទ ៕
ចែករំលែកព័តមាននេះ