សារព័ត៌មានបរទេសបានបង្ហាញវីដេអូឃ្លីបមួយបង្ហាញពីបុរសជនជាតិចិន២នាក់បានលុតជង្គង់សុំនារីម្នាក់រៀបការស្របពេលគ្នា ។ បន្ទាប់មកបុរសទាំង២ទាស់សំដី និងវាយតប់គ្នាដណ្ដើមនារីម្នាក់នោះ ខណៈមានមនុស្សជាច្រើននាក់ចោមរោមមើល ។
ហេតុការណ៍បានកើតឡើងកាលពីពេល ថ្មីៗកន្លងមកនៅខាងមុខមជ្ឈមណ្ឌលពាណិជ្ជកម្ម «Injoy» ក្រុងឆាងចូវ ខេត្តជាំងស៊ូ ប្រទេសចិន ។ បុរសទាំង២នាក់បានត្រៀមផ្កាមួយបាច់ធំ និងមានផ្កាមួយផ្នែកដាក់តាំងបង្ហាញ ធ្វើឲ្យស្ថានភាពបរិយាកាសមានភាពមនោរម្យ រួមទាំងមានដុតទៀនបង្កនូវភាពឆើតឆាយ ។
ក្រោយមកពួកគេបានលុតជង្គង់នៅចំពោះមុខនារីជាគូស្នេហ៍ ហើយនិយាយព្រមគ្នាថា«បងសុំអូនរៀបការ»។ បន្តិចមកស្រាប់តែបុរសម្នាក់និយាយតាមឧបករណ៍បំពងសំឡេង ខ្លាំងៗថា «បងស្រឡាញ់អូន» ខណៈពេលបុរសម្នាក់ទៀតឈរកាន់ផ្កានៅក្បែរនោះហាក់ដូចជាបង្ហាញអាការខឹងខ្លាំងដែរ។ មិនបង្អង់យូរបុរសម្នាក់ស្ទុះចូលច្រានដើមទ្រូងបុរសម្នាក់ទៀត រួមទាំងចាប់ទាញនារីនោះទៅតាមខ្លួន ។ ក្នុងស្ថានភាពបែបនោះបង្កឲ្យបុរសទាំង២ទាស់ទែងគ្នា ។ ប៉ូលិសកំពុងស៊ើបអង្កេតរឿងនោះ ៕
ចែករំលែកព័តមាននេះ