ខេត្តព្រះវិហារ៖ ថ្មីៗនេះ គេបានប្រទះឃើញឈើប្រណីតប្រភេទធ្នង់ និងនាងនួន ប្រមាណ២៣២ដុំ ស្មើនឹង២៧,៧៣ម៉ែត្រគូប នៅក្នុងតំបន់អភិរក្សព្រៃឈើ និងសត្វព្រៃ នៅព្រៃការពារព្រះវិហារ ស្ថិតក្នុងភូមិសាស្រ្តអតីតភូមិត្រពាំងព្រីង ឃុំឆែប២ ស្រុកឆែប។
ពាក់ព័ន្ធនឹងការប្រទះឃើញគំនរឈើប្រណីតដែលឈ្មួញអ្នកមានអំណាច ចូលទៅកាប់យ៉ាងអនាធិបតេយ្យក្នុងព្រៃព្រះវិហារខាងលើ មានមន្រ្តីខណ្ឌារដ្ឋបាលព្រៃឈើព្រះវិហារម្នាក់សុំមិនបញ្ចេញឈ្មោះ បានឱ្យដឹងថា គំនរឈើខាងលើ ត្រូវបានសមត្ថកិច្ចមន្រ្តីទទួលបន្ទុកគម្រោង WCS ឈ្មោះតាន់ ស៊ីថា បានធ្វើការឃាត់ចាប់ តាំងពីថ្ងៃទី៨-១៥ និង១៩ គុម្ភៈ ២០១៣ មកម្លេះគិតមកដល់ពេលនេះមានរយៈពេលជាង៤ខែមកហើយ ប៉ុន្តែនៅមិនទាន់កសាងសំណុំរឿងបញ្ជូនទៅសាលាដំបូងខេត្តនៅឡើយទេ៕
ចែករំលែកព័តមាននេះ