សហរដ្ឋអាមេរិកកាលពីថ្ងៃទី៣ មិថុនា បានឈានដល់របត់ថ្មីមួយទៀតក្នុងទណ្ឌកម្មរបស់ខ្លួនប្រឆាំងប្រទេសអីុរ៉ង់ ដោយសំដៅផ្ទាល់លើរូបិយវត្ថុ គឺក្រដាសប្រាក់រៀល RIAL របស់ប្រទេសនោះ និងផ្នែករថយន្ត ដើម្បីគាបសង្កត់សាធារណរដ្ឋអ៊ិស្លាម ដោយសារការខ្វះកិច្ចសហប្រតិបត្តិការក្នុងសំណុំរឿងនុយក្លេអ៊ែរ ។
សហរដ្ឋអាមេរិកកាលពីថ្ងៃទី៣ មិថុនា បានឈានដល់របត់ថ្មីមួយទៀតក្នុងទណ្ឌកម្មរបស់ខ្លួនប្រឆាំងប្រទេសអីុរ៉ង់ ដោយសំដៅផ្ទាល់លើរូបិយវត្ថុ គឺក្រដាសប្រាក់រៀល RIAL របស់ប្រទេសនោះ និងផ្នែករថយន្ត ដើម្បីគាបសង្កត់សាធារណរដ្ឋអ៊ិស្លាម ដោយសារការខ្វះកិច្ចសហប្រតិបត្តិការក្នុងសំណុំរឿងនុយក្លេអ៊ែរ ។
ខណៈសល់ពេលមិនដល់២សប្តាហ៍ទៀតផងដល់ការបោះឆ្នោតប្រធានាធិបតីអីុរ៉ង់ ប្រធានាធិបតីអាមេរិក លោកបារ៉ាក់អូបាម៉ា បានផ្តល់ភ្លើងខៀវសម្រាប់ការដាក់ទណ្ឌកម្មលើបណ្តាក្រុមហ៊ុនបរទេសដែលធ្វើការរកស៊ីទិញ ឬលក់ប្រាក់រៀលអីុរ៉ង់ ឬដែលមានគណនីធនាគារជាប្រាក់រៀលនៅខាងក្រៅប្រទេសអីុរ៉ង់ ។
ក្នុងសេចក្តីប្រកាសមួយ អ្នកនាំពាក្យសេតវិមានលោក JAY CARNEY បានធ្វើការកត់សម្គាល់ថា ប្រសិនបើប្រាក់រៀលបាត់បង់ពាក់កណ្តាលនៃតម្លៃរបស់វា ចាប់តាំងពីដើមឆ្នាំ២០១២មក ដោយសារការដាក់ទណ្ឌកម្មរបស់យើងគ្រប់បែបយ៉ាង នោះជាលើកទីមួយហើយដែលប្រាក់រៀលទទួលរងឥទ្ធិពលដោយផ្ទាល់ដោយសារទណ្ឌកម្មទាំងនេះ ។ គំនិតរបស់យើងគឺចង់ឱ្យប្រាក់រៀលអីុរ៉ង់កាន់តែលែងប្រើប្រាស់កើតនៅខាងក្រៅអីុរ៉ង់ ។
វិធានការឯទៀតៗប្រកាសកាលពីថ្ងៃទី៣ មិថុនា ទាក់ទិនដល់ផ្នែករថយន្តអីុរ៉ង់ ជាប្រភពសំខាន់នៃចំណូលសម្រាប់ប្រទេស ។ ប្រការនេះអាចប៉ះពាល់លើបណ្តាក្រុមហ៊ុនបរទេសដែលមានផលប្រយោជន៍នៅអីុរ៉ង់ដូចជា ក្រុមហ៊ុន RENAULT-NISSAN ព្រមទាំងបណ្តាក្រុមហ៊ុនផលិតរថយន្តអាស៊ីទាំងឡាយ ។
ក្រឹត្យរបស់លោកអូបាម៉ា អនុញ្ញាតឱ្យមានការដាក់ទណ្ឌកម្មថ្មីៗប្រឆាំងបណ្តាក្រុមហ៊ុនដែលរកស៊ីក្នុងការផ្លាស់ប្តូរហិរញ្ញវត្ថុជាមួយអីុរ៉ង់ ឬក្រុមហ៊ុនដទៃៗទៀតទាក់ទិនដល់ផ្នែករថយន្តអីុរ៉ង់ ។ពិសេសបំផុតនោះ នឹងអាចទទួលការដាក់ទណ្ឌកម្មរបស់អាមេរិកចំពោះការលក់ ការផ្គត់ផ្គង់ ការផ្ទេរទ្រព្យសម្បតិ្ត ឬសេវាកម្មសំខាន់ៗទាក់ទិននឹងការផលិត ឬការតម្លើងក្នុងប្រទេសអីុរ៉ង់នូវបណ្តារថយន្តធុនស្រាល ឬធុនធ្ងន់ រហូតដល់ម៉ូតូ ព្រមទាំងគ្រឿងបន្លាស់នានា ។
លោក CARNEY អះអាងថា បណ្តាវិធានការដែលប្រកាន់យកនាពេលនេះគឺជាការបន្តកិច្ចសន្យារបស់លោកអូបាម៉ារារាំងអីុរ៉ង់ កុំឱ្យទទួលបានអាវុធនុយក្លេអ៊ែរ ដោយបង្កើនតម្លៃដែលត្រូវបង់ចំពោះការមើលស្រាលរបស់អីុរ៉ង់ ចំពោះសហគមន៍អន្តរជាតិ ៕
ចែករំលែកព័តមាននេះ