បុរសអាយុ២៣ឆ្នាំម្នាក់ បើករថយន្តនីស្សាន់ទៅបុកបង្គោលភ្លើងតាមដងផ្លូវ ក្បែរភូមិបេនចាផន ស្រុកសាមកូក ក្នុងខេត្តបា៉កុមថានី ប្រទេសថៃ បណ្តាលឱ្យបាក់ជើងទាំងពីរ ។នៅវេលាម៉ោង១និង៣០នាទីយប់រំលងអធ្រាត្រឈានចូលថ្ងៃទី៤ មិថុនា ប៉ូលិសស្រុកសាមកូក ខេត្តបា៉ធុមថានីទទួលដំណឹងថា មានរថយន្តទំនើបមួយគ្រឿង បុកបង្គោលភ្លើងបណ្តាលឱ្យអ្នកបើកបររងរបួសធ្ងន់ នៅ
បុរសអាយុ២៣ឆ្នាំម្នាក់ បើករថយន្តនីស្សាន់ទៅបុកបង្គោលភ្លើងតាមដងផ្លូវ ក្បែរភូមិបេនចាផន ស្រុកសាមកូក ក្នុងខេត្តបា៉កុមថានី ប្រទេសថៃ បណ្តាលឱ្យបាក់ជើងទាំងពីរ ។នៅវេលាម៉ោង១និង៣០នាទីយប់រំលងអធ្រាត្រឈានចូលថ្ងៃទី៤ មិថុនា ប៉ូលិសស្រុកសាមកូក ខេត្តបា៉ធុមថានីទទួលដំណឹងថា មានរថយន្តទំនើបមួយគ្រឿង បុកបង្គោលភ្លើងបណ្តាលឱ្យអ្នកបើកបររងរបួសធ្ងន់ នៅលើដងផ្លូវក្បែរភូមិបេនចាផន ទើបកម្លាំងសមត្ថកិច្ចឆ្ពោះទៅចំណុចកើតហេតុភ្លាមៗ ហើយប្រទះឃើញរថយន្តទំនើបមា៉កនីស្សាន់ ពណ៌ស ពាក់ស្លាកលេខ 7723-បាងកក បុកបង្គោលភ្លើងតង់ស្យុងនៅក្បែរផ្លូវ បណ្តាលឱ្យរថយន្តខូចខាត និងបុរសជាអ្នកបើកបរអាយុ២៣ឆ្នាំ កៀបជាប់នឹងចង្កូតរថយន្ត ។
ក្រុមជួយសង្គ្រោះបានជួយជនរងគ្រោះចេញពីក្នុងរថយន្ត តែស្ថិតក្នុងសភាពធ្ងន់ធ្ងរបាក់ជើងទាំង២ ត្រូវបញ្ជូនទៅសង្គ្រោះបន្ទាន់នៅឯមន្ទីរពេទ្យរបស់ខេត្ត ។ តាមការសាកសួរពីសាក្សីនិយាយថា ជនរងគ្រោះបើកបររថយន្តក្នុងល្បឿនលឿនរេពេញផ្លូវ មិនដឹងជាមានជាតិឬក៏ស្រវឹងបញ្ហារថយន្តទេ ហើយក៏ជ្រុលទៅបុកបង្គោលភ្លើងបណ្តាលឱ្យអ្នកបើកបររងរបួសធ្ងន់តែម្តង ។
គ្រោះថ្នាក់ចរាចរណ៍ខាងលើ ប៉ូលិសនឹងដំណើរការសាកសួរលើជនរងគ្រោះ ដើម្បីចាត់ការតាមផ្លូវច្បាប់ ។ បញ្ហាគ្រោះថ្នាក់ចរាចរណ៍ក្នុងប្រទេសថៃ បានកើតឡើងនៅទូទាំងប្រទេស ដោយសារតែការធ្វេសប្រហែសរបស់អ្នកបើកបរ ៕
ចែករំលែកព័តមាននេះ