ខេត្តកំពង់ស្ពឺ ៖ រថយន្ត១គ្រឿងម៉ាកហ៊ីយ៉ាន់ដាយបានផ្ទុះកង់ខាងក្រោយបែកផ្កាភ្លើងឆាបឆេះរាលដាលដល់រថយន្ត២គ្រឿងទៀតដែលផ្ទុកខាងលើខ្ទេចអស់ កាលពីវេលាម៉ោង១១ និង៥០នាទីយប់ ថ្ងៃទី៣ មិថុនា ២០១៣ តាមបណ្តោយផ្លូវជាតិលេខ៤ចន្លោះគីឡូម៉ែត្រលេខ៣៩ និង៤០ ខាងកើតភូមិរំលោង១០០ម៉ែត្រ ស្ថិតក្នុងឃុំវល្លិ៍ស ស្រុកសំរោងទង ខេត្តកំពង់ស្ពឺ។
ខេត្តកំពង់ស្ពឺ ៖ រថយន្ត១គ្រឿងម៉ាកហ៊ីយ៉ាន់ដាយបានផ្ទុះកង់ខាងក្រោយបែកផ្កាភ្លើងឆាបឆេះរាលដាលដល់រថយន្ត២គ្រឿងទៀតដែលផ្ទុកខាងលើខ្ទេចអស់ កាលពីវេលាម៉ោង១១ និង៥០នាទីយប់ ថ្ងៃទី៣ មិថុនា ២០១៣ តាមបណ្តោយផ្លូវជាតិលេខ៤ចន្លោះគីឡូម៉ែត្រលេខ៣៩ និង៤០ ខាងកើតភូមិរំលោង១០០ម៉ែត្រ ស្ថិតក្នុងឃុំវល្លិ៍ស ស្រុកសំរោងទង ខេត្តកំពង់ស្ពឺ។
អ្នកបើកបររថយន្តឈ្មោះផង់ អូន ភេទប្រុស អាយុ៤២ឆ្នាំ រស់នៅភូមិសាក់២ ឃុំសំរោងធំ ស្រុកកៀនស្វាយ ខេត្តកណ្តាល។ អ្នកបើកបរបានប្រាប់សមត្ថកិច្ចថា មុនពេលកើតហេតុរូបគាត់បានបើករថយន្តធំមួយគ្រឿងម៉ាកហ៊ីយ៉ាន់ដាយដឹករថយន្តសាំយ៉ុង២គ្រឿងពីលើក្នុងគោលដៅឆ្ពោះទៅរាជធានីភ្នំពេញទៅដាក់ឃ្លាំងលេខ៣៨នៅផ្លូវម៉ៃដា (២០០៤) ។ លុះបើកមកដល់ចំណុចកើតហេតុខាងលើស្រាប់តែរថយន្តធំម៉ាកហ៊ីយ៉ាន់ដាយបានផ្ទុះកង់ខាងក្រោយបែកផ្កាភ្លើងឆេះដល់ធុងប្រេង និងរាលដាលដល់រថយន្តសាំយ៉ុងទាំង២គ្រឿងនៅខាងលើអស់តែម្តង។
ក្រោយពីទទួលបានព័ត៌មានរថយន្តឆេះភ្លាម កម្លាំងនគរបាលស្រុកក៏ដូចជាកម្លាំងនគរបាលនៃស្នងការដ្ឋានប៉ូលិសខេត្តកំពង់ស្ពឺបានចេញអន្តរាគមន៍ពន្លត់អគ្គិភ័យអស់ទឹកចំនួន២រថយន្តទើបរលត់៕
ចែករំលែកព័តមាននេះ