អ្នកនាំពាក្យម្នាក់របស់កម្មវិធីអវកាសបញ្ជូនមនុស្សទៅរបស់ចិនគូសបញ្ជាក់កាលពីថ្ងៃទី៣ មិថុនាថា យានអវកាសមានមនុស្សជិះ SHENZHOU-10 នឹងត្រូវបាញ់បង្ហោះនាពាក់កណ្តាលខែមិថុនានេះ ។អ្នកនាំពាក្យរូបនេះធ្វើការកត់សម្គាល់ថា បេសកកម្មនេះឈានចូលក្នុងដំណាក់កាលរៀបចំចុងក្រោយ ខណៈដែលយានអវកាស និងកាំជ្រួចបញ្ជូន LONGUE MARCHE-2F ត្រូវបានដឹក
អ្នកនាំពាក្យម្នាក់របស់កម្មវិធីអវកាសបញ្ជូនមនុស្សទៅរបស់ចិនគូសបញ្ជាក់កាលពីថ្ងៃទី៣ មិថុនាថា យានអវកាសមានមនុស្សជិះ SHENZHOU-10 នឹងត្រូវបាញ់បង្ហោះនាពាក់កណ្តាលខែមិថុនានេះ ។អ្នកនាំពាក្យរូបនេះធ្វើការកត់សម្គាល់ថា បេសកកម្មនេះឈានចូលក្នុងដំណាក់កាលរៀបចំចុងក្រោយ ខណៈដែលយានអវកាស និងកាំជ្រួចបញ្ជូន LONGUE MARCHE-2F ត្រូវបានដឹកជញ្ជូនកាលពីព្រឹកថ្ងៃទី៣ មិថុនា ទៅដាក់នៅលើទីតាំងបាញ់បង្ហោះរួចហើយ ។
អវកាសយានិក៣រូបនឹងធ្វើដំណើរតាមយានអវកាសនេះដែលនឹងបាញ់បង្ហោះនាពាក់កណ្តាលខែមិថុនាចេញពីមជ្ឈមណ្ឌលបាញ់បង្ហោះផ្កាយរណប JIUQUAN ហើយយាននេះនឹងទៅភ្ជាប់ជាមួយស្ថានីយអវកាសពិសោធន៍ TIANGONG-1 ។
ក្នុងឱកាសបំពេញបេសកកម្មនោះ បណ្តាអវកាសយានិកនឹងផ្តល់ការបង្រៀនមួយដល់និស្សិតមួយក្រុមតាមរយៈបេសកកម្មសោធទស្សន៍មួយ។ម៉្យាងទៀតអ្នកនាំពាក្យរូបនេះគូសបញ្ជាក់ថា ការត្រួតពិនិត្យយានអវកាសនេះ កាំជ្រួចបាញ់បញ្ជូន ព្រមទាំងបណ្តាទីតាំងនៅលើដីនឹងត្រូវធ្វើនៅឯទីតាំងបាញ់បង្ហោះនាប៉ុន្មានថ្ងៃខាងមុខនេះ។ យានអវកាស SHENZHOU-10 នឹងទៅភ្ជាប់ជាមួយស្ថានីយពិសោធន៍ TIANGONG-1 ដែលក្នុងស្ថានីយនោះ អវកាសយានិកទាំង៣រូបនឹងធ្វើការពិសោធន៍ខាងវិទ្យាសាស្ត្រនានា ហើយនឹងផ្តល់មេរៀនដល់និស្សិតមួយក្រុមនៅលើផែនដី ។
ស្ថានីយពិសោធន៍នោះ ស្ថិតនៅលើតារាវិថីយូរហើយចាប់តាំងពីដំណាច់ខែឧសភាមក នៅតែមានលក្ខណៈសម្បត្តិគ្រប់គ្រាន់សម្រាប់ការភ្ជាប់របស់យានអវកាស SHENZHOU-10 ហើយមានដំណើរការធម្មតា ។ រាល់ការរៀបចំប្រព្រឹត្តទៅដោយល្អប្រសើរ ហើយបណ្តាអវកាសយានិកក៏បានបញ្ចប់ការហ្វឹកហ្វឺនរបស់ពួកគេដែរ ៕
ចែករំលែកព័តមាននេះ