រាជធានីភ្នំពេញ ៖ កាលពីរសៀលថ្ងៃទី៣ មិថុនា សមាគមនារីកម្ពុជាដើម្បីសន្តិភាព និងអភិវឌ្ឍន៍ខណ្ឌឫស្សីកែវ ដឹកនាំដោយលោកស្រី អ៊ួង សុផល្លា ជាប្រធាន បាននាំអំណោយសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ទៅចែកជូនប្រជាពលរដ្ឋងាយរងគ្រោះចំនួន១៥គ្រួសារ នៅក្នុងសង្កាត់ព្រែកលៀប ខណ្ឌឫស្សីកែវ ។ នៅក្នុងឱកាស
រាជធានីភ្នំពេញ ៖ កាលពីរសៀលថ្ងៃទី៣ មិថុនា សមាគមនារីកម្ពុជាដើម្បីសន្តិភាព និងអភិវឌ្ឍន៍ខណ្ឌឫស្សីកែវ ដឹកនាំដោយលោកស្រី អ៊ួង សុផល្លា ជាប្រធាន បាននាំអំណោយសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ទៅចែកជូនប្រជាពលរដ្ឋងាយរងគ្រោះចំនួន១៥គ្រួសារ នៅក្នុងសង្កាត់ព្រែកលៀប ខណ្ឌឫស្សីកែវ ។ នៅក្នុងឱកាសនោះក៏មានការចូលរួមពីនារីជាមន្ត្រីរាជការ និងជាភរិយាមន្ត្រីរាជការនៅជុំវិញសាលាខណ្ឌឫស្សីកែវយ៉ាងច្រើនកុះករ ។
អំណោយដែលនាំយកទៅចែកជូននេះក្នុងមួយគ្រួសារៗទទួលបាន អង្ករចំនួន២៥គីឡូក្រាម មី១កេស ត្រីខ៥កំប៉ុង ទឹកស៊ីអុីវ១យួរ ទឹកត្រី១យួរ សាប៊ូ១កញ្ចប់ ស្ករសកន្លះគីឡូក្រាម ទឹកដោះគោ២កំប៉ុង ប្រេងឆា១ដប សារុង១ និងថវិកាចំនួន៨ម៉ឺនរៀល ។
លោកព្រាប មុនី ប្រធានគណៈកម្មាធិការបក្សប្រជាជនកម្ពុជាសង្កាត់ព្រែកលៀប និងជាចៅសង្កាត់បានឱ្យដឹងថា ដោយមានការគិតគូរយ៉ាងខ្លាំង និងការណែនាំពីលោកឃ្លាំង ហួត ប្រធានគណៈកម្មាធិការបក្សខណ្ឌឫស្សីកែវ លោកតែងតែចុះមូលដ្ឋានធ្វើការស្រាវជ្រាវរកប្រជាពលរដ្ឋងាយរងគ្រោះ ហើយនាំអំណោយមកចែកជូនជាបន្តបន្ទាប់ ។ ដោយឡែកលើកនេះមានប្រជាពលរដ្ឋចំនួន១៥គ្រួសារជាស្ត្រីមេម៉ាយក្រីក្រ ចាស់ជរា និងពិការ រស់នៅក្នុងសង្កាត់ព្រែកលៀប ទទួលបានអំណោយរបស់សម្តេចតេជោ និងសម្តេចកិត្តិព្រឹទ្ធបណ្ឌិត ដែលផ្តល់តាមរយៈសមាគមនារីខណ្ឌឫស្សីកែវ ។
លោកស្រីអ៊ួង សុផល្លា ប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ខណ្ឌឫស្សីកែវ និងជាភរិយាលោកឃ្លាំង ហួត បានឱ្យដឹងថា នេះជាលើកទី៤ ដែលសមាគមនារីខណ្ឌបាននាំយកអំណោយមកចែកជូនដល់ប្រជាពលរដ្ឋងាយរងគ្រោះនៅក្នុងសង្កាត់ព្រែកលៀប ។ លោកស្រីក៏បានពាំនាំនូវការសាកសួរសុខទុក្ខពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលជានិច្ចកាលតែងតែគិតគូរពីសុខទុក្ខរបស់ប្រជាពលរដ្ឋនៅទូទាំងប្រទេស ។
លោកស្រីអ៊ួង សុផល្លា បានឱ្យដឹងទៀតថា ប្រទេសជាតិក្រោមការដឹកនាំរបស់គណបក្សប្រជាជន កម្ពុជាមានសន្តិភាពនិងការអភិវឌ្ឍយ៉ាងខ្លាំងឥតឈប់ឈរ ។ មិនតែប៉ុណ្ណោះ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត តែងតែណែនាំមន្ត្រីគ្រប់ជាន់ថ្នាក់ឱ្យយកចិត្តទុកដាក់ និងធ្វើល្អជាមួយប្រជាពលរដ្ឋ ដោយមិនទុកឱ្យប្រជាពលរដ្ឋណាម្នាក់ស្លាប់ដោយសារអត់បាយឡើយ៕
ចែករំលែកព័តមាននេះ