អាជ្ញាធរប្រទេសហ្វ៊ីលីពីន បានផ្អាកផ្តល់សេវាកម្មអាកាសយានដ្ឋានមួយកន្លែងនៅភាគខាងត្បូងរយៈពេល១ថ្ងៃ កាលពីថ្ងៃទី៣ មិថុនា ក្រោយពីមានឧបទ្ទវហេតុយន្តហោះមួយគ្រឿងរអិលធ្លាក់ផ្លូវ តែមិនទាន់មានរបាយការណ៍ច្បាស់លាស់ថា មានអ្នករបួសឬយ៉ាងណាខ្លះនៅឡើយទេ ?
អាជ្ញាធរប្រទេសហ្វ៊ីលីពីន បានផ្អាកផ្តល់សេវាកម្មអាកាសយានដ្ឋានមួយកន្លែងនៅភាគខាងត្បូងរយៈពេល១ថ្ងៃ កាលពីថ្ងៃទី៣ មិថុនា ក្រោយពីមានឧបទ្ទវហេតុយន្តហោះមួយគ្រឿងរអិលធ្លាក់ផ្លូវ តែមិនទាន់មានរបាយការណ៍ច្បាស់លាស់ថា មានអ្នករបួសឬយ៉ាងណាខ្លះនៅឡើយទេ ?
ទីភ្នាក់ងារព័ត៌មានបរទេស កាលពីថ្ងៃទី៣ មិថុនា ផ្សាយថា អាជ្ញាធរហ្វ៊ីលីពីន បានប្រកាសបិទអាកាសយានដ្ឋានមួយ ក្នុងចំណោមអាកាសយានដ្ឋានចម្បងៗ នៅភាគខាងត្បូងជាបណ្តោះអាសន្ន ក្រោយពីមានឧប្បត្តិហេតុ យន្តហោះមួយគ្រឿងរអិលធ្លាក់ផ្លូវ ខណៈព្យាយាមចុះចត ពេលមានព្យុះភ្លៀង ។
អាជ្ញាធរផ្នែកអាកាសចរណ៍ហ្វ៊ីលីពីន (CAAP) បានថ្លែងពីការផ្អាកផ្តល់សេវាកម្មអាកាសយានដ្ឋានអន្តរជាតិដាវា៉វ (Davao) នៅលើកោះភាគខាងត្បូងក្នុងថ្ងៃទី៣ មិថុនា ថា ដោយសារតែមានឧបទ្ទវហេតុយន្តហោះដឹកអ្នកដំណើរអ៊ែរប៊ើស A-320 របស់ក្រុមហ៊ុនអាកាសចរណ៍សេប៊ូ បា៉ស៊ីហ្វិក (Cebu pacific) ដែលដឹកអ្នកដំណើរ និងអាកាសយានិកសរុបចំនួន១៦៥នាក់ ចេញដំណើរលើក្រុងម៉ានិល រអិលធ្លាក់ផ្លូវ ក្រោយពីព្យាយាមចុះចតក្រោមសម្ពាធនៃភ្លៀង និងព្យុះ កាលពីយប់ថ្ងៃទី២ មិថុនា ។
របាយការណ៍បង្ហាញថា យន្តហោះមានការខូចខាតលើបំណែកខ្លះ ខណៈមន្ត្រីជំនាញផ្នែកយន្តហោះ កំពុងធ្វើការស្រាវជ្រាវ និងរិះរកមូលហេតុដ៏គួរឱ្យរន្ធត់លើកនេះ ហើយអាកាសយានដ្ឋានបានបើកផ្តល់សេវាកម្មជាថ្មីនៅពីថ្ងៃទី៤ មិថុនា ៕
ចែករំលែកព័តមាននេះ