AFP ផ្សាយថា អាជ្ញាធរអាល្លឺម៉ង់បានកែសម្រួលដោយបន្ថយចំនួនប្រជាជននៅក្នុងប្រទេសចំនួន១,៥លាននាក់ នៅសល់ត្រឹមតែ៨០,២លាននាក់ ក្រោយពីបង្ហាញលទ្ធផលជំរឿនប្រជាជនកាលពីថ្ងៃទី៣១ ឧសភា ឆ្នាំ២០១៣ គឺជាជំរឿនលើកដំបូងតាំងពីមុនពេលធ្វើសមាហរន្តកម្មរវាងអាល្លឺម៉ង់ខាងលិច និងអាល្លឺម៉ង់ខាងកើតនៅក្នុងឆ្នាំ១៩៩០ ។
AFP ផ្សាយថា អាជ្ញាធរអាល្លឺម៉ង់បានកែសម្រួលដោយបន្ថយចំនួនប្រជាជននៅក្នុងប្រទេសចំនួន១,៥លាននាក់ នៅសល់ត្រឹមតែ៨០,២លាននាក់ ក្រោយពីបង្ហាញលទ្ធផលជំរឿនប្រជាជនកាលពីថ្ងៃទី៣១ ឧសភា ឆ្នាំ២០១៣ គឺជាជំរឿនលើកដំបូងតាំងពីមុនពេលធ្វើសមាហរន្តកម្មរវាងអាល្លឺម៉ង់ខាងលិច និងអាល្លឺម៉ង់ខាងកើតនៅក្នុងឆ្នាំ១៩៩០ ។
តាមរបាយការណ៍ដែលយោងតាមទិន្នន័យពី Destatis ឬវិទ្យាស្ថានជាតិស្ថិតិអាល្លឺម៉ង់ ជាប្រទេសដែលមានរហស្សនាមថា មានប្រជាជនច្រើនបំផុតនៅសហគមន៍អឺរ៉ុប និងមានសេដ្ឋកិច្ចធំនៅតំបន់អឺរ៉ុបបញ្ជាក់ថា ចំនួនប្រជាជនចុងក្រោយរបស់អាលឺម៉ង់គិតចាប់តាំងពីថ្ងៃទី៩ ឧសភា ឆ្នាំ២០១៣មក មានចំនួនសរុបប្រហែល៨០,២លាននាក់ មិនមែនមានចំនួន៨១,៧លាននាក់ តាមការប៉ាន់ប្រមាណកាលពីឆ្នាំ២០១០ឡើយ ។
នៅក្នុងលទ្ធផលជំរឿនចុងក្រោយបញ្ជាក់ថា ក្នុងទីប្រជុំជនន័ររ៉ៃ វ៉េសហ្វាលីយ៉ា នៅតែជាទីក្រុងមានប្រជាជនរស់នៅច្រើនបំផុតក្នុងប្រទេសអាល្លឺម៉ង់ ដោយមានប្រហែល១៨លាននាក់ បន្ទាប់មកគឺក្រុងបាវ៉ារីយ៉ា ភាគខាងត្បូងប្រទេសមានប្រហែល១២,៤លាននាក់ ។ ចំណែកវិទ្យាស្ថានជាតិស្ថិតិអាល្លឺម៉ង់បានឱ្យដឹងថា មានជនបរទេសប្រហែល៦,២លាននាក់រស់នៅក្នុងអាល្លឺម៉ង់ ក្នុងពេលបច្ចុប្បន្ន ឬប្រហែល៧,៧ភាគរយនៃចំនួនប្រជាជនតិចជាងការប៉ាន់ប្រមាណប្រហែល១,១លាននាក់ ៕
ចែករំលែកព័តមាននេះ