សួរថា ហេតុអ្វីសប្បាយនឹងថតពេលកំពុងរួមភេទគ្នា..?
- ភ្នំពេញ
រាជធានីភ្នំពេញ ៖ និយាយពិតត្រង់ទៅរឿងរ៉ាវ ដែលចោទសួរនោះថា «តើហេតុអ្វីបានជាសប្បាយនឹងការថតរូបអាសអាភាសបែបនេះម្ល៉េះ?» គេគិតថា បើគ្មានរូបភាពបែបនេះ ត្រូវបានថតនោះទេ ប្រហែលជាគ្មានរឿងអាម៉ាស់កើតឡើងនោះឡើយ។ វាអាក្រក់ណាស់ ដែលរួមភេទជាមួយគ្នាហើយថតបង្ហោះ ឱ្យគេមើលទូទាំងពិភពលោកបែបនេះ ។
ជាក់ស្តែង ជនជាតិអុីស្រាអែលម្នាក់ ត្រូវបានកម្លាំងសមត្ថកិច្ចការិយាល័យនគរបាលព្រហ្មទណ្ឌកម្រិតស្រាលក្រសួងមហាផ្ទៃឃាត់ខ្លួន និងបញ្ជូនទៅកាន់សាលាដំបូងរាជធានី កាលពីរសៀលថ្ងៃទី២៧ តុលា ដោយជាប់ពាក់ព័ន្ធទៅនឹងបណ្តឹងរបស់ជនរងគ្រោះថា «បានបង្ហោះរូបភាពតាមហ្វេសប៊ុកពីការរួមភេទអាសអាភាសជាមួយនាង ធ្វើឱ្យប៉ះពាល់ដល់កិត្តិយសស្ត្រីខ្មែរជាទូទៅ និងចោទគឺបទបរិហារកេរ្តិ៍ជាសាធារណៈ (តាមប្រព័ន្ធហ្វេសប៊ុក) ។
តាមពាក្យបណ្តឹងរបស់ជនរងគ្រោះ ដែលបានដាក់ពាក្យប្តឹងចូលសមត្ថកិច្ចបញ្ជាក់ថា ក្នុងអំឡុងឆ្នាំ២០១៦ នាងបានស្គាល់ឈ្មោះ Tom Steinmets តាមរយៈការលេងហ្វេសប៊ុក ។ លុះដល់ថ្ងៃទី១៧ វិច្ឆិកា ២០១៧ អ្នកទាំងពីរបានជួបគ្នា និងស្មោះស្ម័គ្រស្រឡាញ់គ្នាព្រមព្រៀង រស់នៅជាមួយគ្នាជាប្តី-ប្រពន្ធ តែមិនបានរៀបការនោះទេ ។
ពាក្យបណ្តឹងបានបញ្ជាក់ទៀតថា ស្រាប់តែនៅក្នុងខែឧសភា ២០១៨ ឈ្មោះពិសី ជាកូនស្រីចិញ្ចឹមរបស់លោកប្តី បានបង្ហោះរូបភាពរួមភេទអាសអាភាសរវាងនាង និងបុរសអីុស្រាអែលរូបនេះ កាលនៅជាប្តីប្រពន្ធក្នុងបណ្ដាញសង្គមហ្វេសប៊ុក ។ ដោយសារករណីខាងលើនេះ នាងបានទូន្មានទៅនាងពិសី ឱ្យបញ្ឈប់សកម្មភាព ព្រោះពាក់ព័ន្ធរឿងបរិហារកេរ្តិ៍ ។ ផ្ទុយទៅវិញឈ្មោះ Tom Steinmets បានយករូបអាសអាភាសនោះ ចែកចាយបន្តតាមរយៈសារអេឡិចត្រូនិក (Messenger) ឲ្យទៅមិត្តភក្តិពួកគេច្រើននាក់បានឃើញ ដែលរូបនាងមិនបានដឹង ។
ជនសង្ស័យពេលនេះ កំពុងស្ថិតនៅដំណាក់ការស្ថាប័នអយ្យការសាកសួរ តែការសាកសួរនោះ មិនទាន់បានបញ្ចប់ទេ និងបានផ្ញើទៅសមត្ថកិច្ចវិញ ។
ចែករំលែកព័តមាននេះ