រាជធានីភ្នំពេញ៖ មន្រ្តីរដ្ឋសភានៃព្រះរាជាណាចក្រកម្ពុជាដឹកនាំដោយសម្ដេចមហាពញាចក្រីហេង សំរិន នឹងបើកសម័យប្រជុំវិសាមញ្ញារបស់ខ្លួនដើម្បីពិនិត្យលើសេចក្ដីស្នើច្បាប់ ស្ដីពី«ការប្រឆាំងការមិនទទួលស្គាល់ឧក្រិដ្ឋកម្ម ដែលប្រព្រឹត្តឡើងក្នុងរយៈកាលនៃកម្ពុជាប្រជាធិបតេយ្យ» ច្បាប់នេះមាន១ជំពូក និង៥មាត្រា នឹង
រាជធានីភ្នំពេញ៖ មន្រ្តីរដ្ឋសភានៃព្រះរាជាណាចក្រកម្ពុជាដឹកនាំដោយសម្ដេចមហាពញាចក្រីហេង សំរិន នឹងបើកសម័យប្រជុំវិសាមញ្ញរបស់ខ្លួនដើម្បីពិនិត្យលើសេចក្ដីស្នើច្បាប់ ស្ដីពី«ការប្រឆាំងការមិនទទួលស្គាល់ឧក្រិដ្ឋកម្ម ដែលប្រព្រឹត្តឡើងក្នុងរយៈកាលនៃកម្ពុជាប្រជាធិបតេយ្យ» ច្បាប់នេះមាន១ជំពូក និង៥មាត្រា និងត្រូវគណៈកម្មាធិការអចិន្រ្តៃយ៍ នៃរដ្ឋសភា យកមកប្រជុំពិភាក្សាជាលើកទី២ នៅថ្ងៃទី៥ មិថុនា ២០១៣ ខាងមុខ មុននឹងដាក់ចូលក្នុងការប្រជុំវិសាមញ្ញរដ្ឋសភាពេញអង្គដែលគ្រោងនឹងធ្វើនៅថ្ងៃទី៧ មិថុនា ២០១៣ ។ សេចក្ដីស្នើច្បាប់នេះធ្លាប់ត្រូវបាន គណៈកម្មាធិការអចិន្រ្តៃយ៍នៃរដ្ឋសភាប្រជុំពិភាក្សាម្ដងរួចមកហើយ កាលពីថ្ងៃទី៣១ ឧសភា ២០១៣ ក្រោមអធិបតីភាពសម្ដេចហេង សំរិន ប្រធានរដ្ឋសភា។
មន្រ្តីនៃគណៈកម្មាធិការកិច្ចការបរទេសសហប្រតិបត្តិការអន្តរជាតិ ឃោសនាការ និងព័ត៌មាន និងជាសមាជិកគណៈកម្មាធិការអចិន្រ្តៃយ៍នៃរដ្ឋសភា បានមានប្រសាសន៍កាលពីព្រឹកថ្ងៃទី៣ មិថុនា ថា បន្ទាប់ពីកិច្ចប្រជុំគណៈកម្មាធិការអចិន្រ្តៃយ៍កន្លងទៅ គឺបានប្រគល់ភារកិច្ច ការរៀបចំខ្លឹមសារនៃសេចក្ដីស្នើច្បាប់នេះឱ្យទៅគណៈកម្មាធិការនីតិកម្មនៃរដ្ឋសភា ដើម្បីរៀបចំជូនគណៈកម្មាធិការអចិន្រ្តៃយ៍សម្រេច។ បើសិនជាគណៈកម្មាធិការអចិន្រ្តៃយ៍សម្រេចហើយ នឹងដាក់ចូលក្នុងសភាពេញអង្គជាវិសាមញ្ញ នៅថ្ងៃទី៧ មិថុនា ២០១៣៕
ចែករំលែកព័តមាននេះ