ប៉ូលិសរាយការណ៍ថា ជនអត្តឃាតម្នាក់បានធ្វើឱ្យគ្រឿងផ្ទុះដាក់ជាប់ខ្លួនគេផ្ទុះកាលពីថ្ងៃទី៣ មិថុនា ក្នុងប៉ុស្តិ៍ប៉ូលិសមួយនាភាគខាងកើតឥណ្ឌូណេស៊ី ដោយស្លាប់ជនអត្តឃាតនេះខ្លួនឯង ។អ្នកនាំពាក្យរបស់បូ៉លិសខេត្តស៊ូឡាវេស៊ីកណ្តាលគូសបញ្ជាក់ថា ជនស៊ីវិលម្នាក់បានសម្រុកចូលក្នុងប៉ុស្តិ៍ប៉ូលិស ហើយធ្វើឱ្យផ្ទុះលើមូ៉តូរបស់គេ ។ បុរសនោះធ្វើឱ្យផ្ទុះនៅទីលានខាងក្នុងប៉ុស្តិ៍ប៉ូលិសនៃទីក្រុងប៉ូសូ ទីប្រជុំជនខេត្ត ។ បុរសនេះត្រូវស្លាប់ហើយពុំមានមនុស្សណាដទៃទៀតរងគ្រោះឡើយ ។
ឥណ្ឌូណេស៊ីជាប្រទេសអ៊ិស្លាមមានប្រជាជនច្រើនជាងគេដល់ទៅ២៤០លាននាក់នោះបានចូលរួមក្នុងសង្គ្រាមប្រឆាំងភេរវកម្ម ដោយប្រទេសនេះជួបការវាយប្រហារភេរវកម្មនៅកោះបាលី កាលពីឆ្នាំ២០០២ បណ្តាលឱ្យមនុស្សស្លាប់ដល់ទៅ២០២នាក់ ។ ទោះជាយ៉ាងណា ប្រទេសនេះពុំជួបប្រទះនឹងការវាយប្រហារភេរវកម្មចម្បងនានាឡើយ ចាប់តាំងពីការវាយប្រហារភេរវកម្មកាលពីខែកក្កដា ឆ្នាំ២០០៩ ក្នុងសណ្ឋាគារទំនើបទាំងឡាយនៅក្រុងហ្សាការតា បណ្តាលឱ្យមនុស្សស្លាប់៩នាក់មក ៕
ចែករំលែកព័តមាននេះ