សហរដ្ឋអាមេរិក ៖ សារព័ត៌មានរាយការណ៍នាថ្ងៃទី២៧ តុលា ថា បុរសសង្ស័យជាអ្នកបញ្ជូនកញ្ចប់គ្រឿងផ្ទុះប្រមាណជា១២កញ្ចប់ ឲ្យដល់ពួកអ្នកប្រឆាំងប្រធានាធិបតី លោកដូណាល់ ត្រាំ ជាអ្នកសាធារណរដ្ឋម្នាក់នៃរដ្ឋផ្លរីដា…
សហរដ្ឋអាមេរិក ៖ សារព័ត៌មានរាយការណ៍នាថ្ងៃទី២៧ តុលា ថា បុរសសង្ស័យជាអ្នកបញ្ជូនកញ្ចប់គ្រឿងផ្ទុះប្រមាណជា១២កញ្ចប់ ឲ្យដល់ពួកអ្នកប្រឆាំងប្រធានាធិបតី លោកដូណាល់ ត្រាំ ជាអ្នកសាធារណរដ្ឋម្នាក់នៃរដ្ឋផ្លរីដា អាយុ៥៦ឆ្នាំ ដែលខាងតុលាការថារូបគេធ្លាប់ជាប់ចោទឡើងតុលាការញឹកញាប់ ពិសេសពីបទបង្កអំពើហិង្សានិងជាជនប្រឆាំងផ្កាប់មុខចំពោះពួកប្រជាធិបតេយ្យតាមបណ្ដាញសង្គម។
ជនឈ្មោះ CESAR SAYOC ត្រូវចាប់ខ្លួនជាច្រើនលើក រយៈពេលប៉ុន្មានឆ្នាំចុងក្រោយនេះ ពីបទបង្កហិង្សាក្នុងគ្រួសារ បទលួចនិងបទក្លែងបន្លំ។ យោងតាមឯកសារតុលាការជននេះកាលពីឆ្នាំ២០០២ ធ្លាប់បានគំរាមប្រើគ្រាប់បែកប្រឆាំងទីតាំងក្រុមហ៊ុនផ្គត់ផ្គង់អគ្គិសនីមួយ ដែលចង់កាត់ផ្ដាស់ភ្លើងកន្លែងបោកគក់មួយ ដែលរូបគេជាម្ចាស់ហាងបោកគក់នោះ។
CESAR SAYOC រយៈពេលប៉ុន្មានខែចុងក្រោយនេះ បានចូលក្នុងគណបក្សសាធារណរដ្ឋ ហើយជាអ្នកចេញមុខវាយប្រហារ យ៉ាងខ្លាំងក្លាបំផុតតាមបណ្ដាញសង្គម ប្រឆាំងឥស្សរជនជាច្រើននៃគណបក្សប្រជាធិបតេយ្យ ដូចជាលោកបារ៉ាក់អូបាម៉ានិងលោកស្រីហ៊ីលឡារីគ្លីនតុនជាដើម ព្រមទាំងប្រឆាំងអ្នកឧបត្ថម្ភគណបក្សប្រជាធិបតេយ្យសេដ្ឋីGEORGE SOROS៕
ចែករំលែកព័តមាននេះ