ខេត្តក្រចេះ ៖ រយៈពេល១សប្តាហ៍គិតចាប់ពីថ្ងៃទី២៤ ដល់ថ្ងៃទី៣០ ឧសភា មានមនុស្សចំនួន៤នាក់បានស្លា.ប់ និង២នាក់ទៀតរងរបួសធ្ងន់ស្រាល ក្នុងហេតុការណ៍គ្រោះថ្នាក់ចរាចរណ៍ កើតឡើងនៅក្នុងស្រុកស្នួល ក្រុងក្រចេះ ។
ខេត្តក្រចេះ ៖ រយៈពេល១សប្តាហ៍គិតចាប់ពីថ្ងៃទី២៤ ដល់ថ្ងៃទី៣០ ឧសភា មានមនុស្សចំនួន៤នាក់បានស្លាប់ និង២នាក់ទៀតរងរបួសធ្ងន់ស្រាល ក្នុងហេតុការណ៍គ្រោះថ្នាក់ចរាចរណ៍ កើតឡើងនៅក្នុងស្រុកស្នួល ក្រុងក្រចេះ ។
តាមរបាយការណ៍របស់ការិយាល័យចរាចរណ៍ផ្លូវគោកខេត្តឱ្យដឹង កាលពីព្រឹកថ្ងៃទី៣ មិថុនាថា យ៉ាងហោចណាស់មនុស្ស៤នាក់បានស្លាប់ និង២នាក់រងរបួសធ្ងន់ស្រាលក្នុងគ្រោះថ្នាក់ចរាចរណ៍អំឡុងពេលមួយសប្តាហ៍មានចំនួន៤លើក បើប្រៀបធៀបទៅនឹងសប្តាហ៍មុនមាន៥លើក ថយចុះ១លើក ។ អត្រានៃគ្រោះថ្នាក់ក្នុងស្រុកស្នួលឈានមុខគេបានកើតឡើង៣លើក បណ្តាលឱ្យមនុស្សស្លាប់៤នាក់ និងក្រុងក្រចេះចំនួន១លើក ។ របាយការណ៍ឱ្យដឹងទៀតថា អត្រាគ្រោះថ្នាក់នេះកើតឡើងដោយសារជិះជែង១លើក រថយន្តបុកម៉ូតូដោយសារតែប្រើប្រាស់ល្បឿនលឿនហួសកំណត់ ៣លើកនៅស្រុកស្នួល ។ ក្នុងឧប្បត្តិហេតុទាំង៤នេះ បណ្តាលឱ្យជនរងគ្រោះជាបុរសស្លាប់ចំនួន៤នាក់ និង២នាក់ទៀតរងរបួសធ្ងន់ ខូចខាតម៉ូតូ៥គ្រឿង និងរថយន្ត២គ្រឿង ។
មន្ត្រីនគរបាលជំនាញបានឱ្យដឹងថា គ្រោះថ្នាក់ចរាចរណ៍ទាំងនេះ កំពុងដំណើរការតាមផ្លូវច្បាប់ ហើយវត្ថុតាងមួយផ្នែកយកមករក្សាទុកនៅស្នងការដ្ឋាន និងមួយផ្នែកទៀតបញ្ជូនទៅរក្សាទុកនៅអធិការដ្ឋានស្រុក ៕
ចែករំលែកព័តមាននេះ