រាជធានីភ្នំពេញ ៖ កាលពីព្រឹកថ្ងៃទី១០ មិថុនា នៅក្នុងវត្តទួលសុវណ្ណារ៉ាម ហៅវត្តទួលសង្កែ ខណ្ឌឫស្សីកែវ សាលាសង្កាត់ទួលសង្កែបានរៀបចំពិធីចែកអត្តសញ្ញាណប័ណ្ណជូនប្រជាពលរដ្ឋចំនួន៦៣២នាក់ ក្រោមអធិបតីភាពលោកឃ្លាំង ហួត ជំនួយការសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាអភិបាលខណ្ឌឫស្សីកែវ ។
រាជធានីភ្នំពេញ ៖ កាលពីព្រឹកថ្ងៃទី១០ មិថុនា នៅក្នុងវត្តទួលសុវណ្ណារ៉ាម ហៅវត្តទួលសង្កែ ខណ្ឌឫស្សីកែវ សាលាសង្កាត់ទួលសង្កែបានរៀបចំពិធីចែកអត្តសញ្ញាណប័ណ្ណជូនប្រជាពលរដ្ឋចំនួន៦៣២នាក់ ក្រោមអធិបតីភាពលោកឃ្លាំង ហួត ជំនួយការសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាអភិបាលខណ្ឌឫស្សីកែវ ។
លោកអនុសេនីយ៍ទោ អ៊ុយ ហ៊ាន នាយប៉ុស្តិ៍នគរបាលរដ្ឋបាលទួលសង្កែបានឱ្យដឹងថា សង្កាត់ទួលសង្កែបានបំពេញបែបបទធ្វើអត្តសញ្ញាណប័ណ្ណសញ្ជាតិខ្មែរជូនប្រជាពលរដ្ឋបានចំនួន១.១៩៩នាក់ ក្នុងនោះមានបុរសចំនួន៦០៧នាក់ ។ ចំណែកអត្តសញ្ញាណប័ណ្ណដែលទទួលបានពីការិយាល័យជំនាញ ហើយយកមកចែកជូនដល់ប្រជាពលរដ្ឋនាពេលនេះមានចំនួន៦៣២នាក់ ។
លោកអនុសេនីយ៍ទោ អ៊ុយ ហ៊ាន ក៏បានសំណូមពរដល់ប្រជាពលរដ្ឋដែលបានទទួលអត្តសញ្ញាណប័ណ្ណសញ្ជាតិខ្មែរ ក៏ដូចជាសៀវភៅគ្រួសារ សៀវភៅស្នាក់នៅកន្លងមក សូមថែរក្សាឱ្យបានត្រឹមត្រូវកុំឱ្យបាត់បង់ បើមានការបាត់បង់ សូមរាយការណ៍មកសមត្ថកិច្ចដើម្បីចម្លងឡើងវិញ ។លោកឃ្លាំង ហួត ក៏បានពាំនាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលជានិច្ចកាលសម្តេចតែងតែគិតគូរយ៉ាងខ្លាំងពីសុខុមាលភាពរបស់ប្រជាពលរដ្ឋកម្ពុជានៅទូទាំងប្រទេស ។
លោកឃ្លាំង ហួត បានឱ្យដឹងថា អត្តសញ្ញាណប័ណ្ណនេះមានសារសំខាន់ណាស់សម្រាប់បំពេញបែបបទផ្សេងៗ និងជាការសម្គាល់អត្តសញ្ញាណរបស់ខ្លួន ។ រាជរដ្ឋាភិបាលកម្ពុជាបានយកចិត្តទុកដាក់យ៉ាងខ្លាំងចំពោះប្រជាពលរដ្ឋ ហើយបានខិតខំធ្វើអត្តសញ្ញាណប័ណ្ណជូនប្រជាពលរដ្ឋ ដើម្បីសម្គាល់សញ្ជាតិរបស់ខ្មែរ និងសម្រាប់ឱ្យបងប្អូនយកទៅប្រើប្រាស់ ។ ម្យ៉ាងវិញទៀត ការបោះឆ្នោតត្រូវការចំាំបាច់ណាស់សម្រាប់អត្តសញ្ញាណប័ណ្ណនេះ ។
លោកឃ្លាំង ហួត បានឱ្យដឹងថា រាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន បានធ្វើឱ្យប្រទេសជាតិមានសន្តិភាព ស្ថិរភាពនយោបាយ និងមានការអភិវឌ្ឍយ៉ាងខ្លាំង ការពារបាននូវបូរណភាពទឹកដី និងមានមុខនៅលើឆាកអន្តរជាតិ ។ នៅពេលទទួលបានអត្តសញ្ញាណប័ណ្ណនេះហើយសូមបងប្អូនទាំងអស់ត្រូវតែថែរក្សាឱ្យបានគង់វង្សកុំឱ្យបាត់បង់ ។ បើបាត់ត្រូវប្តឹងទៅសមត្ថកិច្ចប៉ូលិស ដើម្បីចៀសវាងកុំឱ្យជនខិលខូចយកទៅប្រើប្រាស់ដែលនាំឱ្យមានទោសដល់ខ្លួនជាម្ចាស់អត្តសញ្ញាណប័ណ្ណ។
លោកអភិបាលក៏បានណែនាំដល់ប្រជាពលរដ្ឋឱ្យនាំគ្នាទៅបោះឆ្នោតជូនគណបក្សប្រជាជនកម្ពុជា ដើម្បីគាំទ្រសម្តេចតេជោបន្តដឹកនាំប្រទេសឱ្យមានការរីកចម្រើនថែមទៀត ។លោកឃ្លាំង ហួត ក៏បាននាំយកអំណោយសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ទៅចែកជូនដល់ប្រជាពលរដ្ឋ ដោយក្នុងម្នាក់ៗទទួលបានសារុងមួយទុកជាអនុស្សាវរីយ៍ផងដែរ៕
ចែករំលែកព័តមាននេះ