ខេត្តកំពត ៖ បុរសម្នាក់បានត្រូវរន្ទះបាញ់ស្លាប់កាលពីវេលាម៉ោង៣និង៣០នាទីរសៀលថ្ងៃទី៣១ ឧសភា ខណៈពេលចេញទៅដឹកគោពីក្បែរមាត់អូរយកមកចងក្នុងផ្ទះវិញ ខណៈមានភ្លៀងធ្លាក់ និងខ្យល់បោកបក់ខ្លាំង។ បុរសដែលស្លាប់នេះឈ្មោះ ពៅ ធិន អាយុ៤២ឆ្នាំ នៅភូមិធ្នង់ ឃុំឫស្សីស្រុកខាងកើត ស្រុកកំពង់ត្រាច ។
ខេត្តកំពត ៖ បុរសម្នាក់បានត្រូវរន្ទះបាញ់ស្លាប់កាលពីវេលាម៉ោង៣និង៣០នាទីរសៀលថ្ងៃទី៣១ ឧសភា ខណៈពេលចេញទៅដឹកគោពីក្បែរមាត់អូរយកមកចងក្នុងផ្ទះវិញ ខណៈមានភ្លៀងធ្លាក់ និងខ្យល់បោកបក់ខ្លាំង។ បុរសដែលស្លាប់នេះឈ្មោះ ពៅ ធិន អាយុ៤២ឆ្នាំ នៅភូមិធ្នង់ ឃុំឫស្សីស្រុកខាងកើត ស្រុកកំពង់ត្រាច ។
តាមស្ត្រីជាប្រពន្ធបុរសរងគ្រោះនិយាយថា នៅវេលារសៀលនោះប្តីគាត់បានចេញទៅដឹកគោដែលចងឱ្យស៊ីស្មៅក្បែរអូរតូចមួយនៅជ្រុងខាងត្បូងផ្ទះចម្ងាយប្រហែល២០០ម៉ែត្រ ។ ប៉ុន្តែទៅមិនទាន់ដល់កន្លែងចងគោផង ស្រាប់តែមានស្នូររន្ទះបាញ់បានបន្លឺឡើងកក្រើកដី និងបានប្រល័យជីវិតប្តីគាត់ឱ្យស្លាប់នៅនឹងកន្លែង ។
លោកយ៉ុង សាមឿន មេឃុំឫស្សីស្រុកខាងកើតប្រាប់ថា នៅក្នុងឃុំរបស់គាត់ ក្រៅពីមានពលរដ្ឋម្នាក់ស្លាប់ដោយសាររន្ទះបាញ់នេះ លំនៅឋានពលរដ្ឋមួយខ្នងក៏រងការបាក់រលំដោយសារខ្យល់កន្ត្រាក់ផងដែរ ។ បន្ទាប់ពីមានគ្រោះអកុសលស្លាប់មនុស្សដោយសាររន្ទះបាញ់នេះមក ក្រុមការងារគណបក្សប្រជាជនកម្ពុជាចុះជួយឃុំឫស្សីស្រុកខាងកើតបាននាំយកអំណោយជូនដល់គ្រួសារជនរងគ្រោះនូវថវិកាចំនួន២៥ម៉ឺនរៀល និងអង្ករ៥០គីឡូក្រាម ៕
ចែករំលែកព័តមាននេះ