រាជធានីភ្នំពេញ ៖ បុរសម្នាក់ជាអ្នកបើកបររថយន្តដឹកកម្មករ បានរងរបួសធ្ងន់ ត្រូវរថយន្តសង្គ្រោះ៧១១ នៃមន្ទីរពេទ្យកងពលតូចលេខ៧០ បញ្ជូនទៅព្យាបាលនៅមន្ទីរពេទ្យព្រះកុសុមៈ បន្ទាប់ពីរូបគេជួយលើកដែកផ្សារដំបូលរោងលក់សាច់ក្រក ហើយប៉ះចំខ្សែភ្លើង បណ្តាលឱ្យឆក់ធ្លាក់មកដី ។ ហេតុការណ៍នេះកើតឡើងកាលពីវេលាម៉ោង៩ និង៤៥នាទីព្រឹក ថ្ងៃទី៣ មិថុនា នៅក្នុងភូមិវត្ត
រាជធានីភ្នំពេញ ៖ បុរសម្នាក់ជាអ្នកបើកបររថយន្តដឹកកម្មករ បានរងរបួសធ្ងន់ ត្រូវរថយន្តសង្គ្រោះ៧១១ នៃមន្ទីរពេទ្យកងពលតូចលេខ៧០ បញ្ជូនទៅព្យាបាលនៅមន្ទីរពេទ្យព្រះកុសុមៈ បន្ទាប់ពីរូបគេជួយលើកដែកផ្សារដំបូលរោងលក់សាច់ក្រក ហើយប៉ះចំខ្សែភ្លើង បណ្តាលឱ្យឆក់ធ្លាក់មកដី ។ ហេតុការណ៍នេះកើតឡើងកាលពីវេលាម៉ោង៩ និង៤៥នាទីព្រឹក ថ្ងៃទី៣ មិថុនា នៅក្នុងភូមិវត្តស្លែង សង្កាត់ពងទឹក ខណ្ឌដង្កោ ។ បុរសរងគ្រោះឈ្មោះ ប្រាក់ ពិសិទ្ធ អាយុ៣០ឆ្នាំ ជាអ្នកបើករថយន្តដឹកកម្មករ មានស្រុកកំណើតភូមិពោធិ៍ ឃុំពោធិ៍ ស្រុកត្បែងមានជ័យ ខេត្តព្រះវិហារ ស្នាក់នៅកន្លែងកើតហេតុខាងលើ ។
ប្រភពព័ត៌មានឱ្យដឹងថា មុនពេលកើតហេតុ ជនរងគ្រោះជួយលើកដែក ដើម្បីផ្សារដំបូលរោងលក់សាច់ក្រក ហើយចៃដន្យក៏ប៉ះចំខ្សែកាបភ្លើងនៅខាងលើ បណ្តាលឱ្យឆក់ធ្លាក់មកដីរងរបួសធ្ងន់តែម្តង ។ ក្រោយពេលកើតហេតុ គេបាននាំគ្នាជួយសង្គ្រោះ ដោយយកជនរងគ្រោះទៅកប់ក្នុងភក់ និងចាក់ទឹក បន្ទាប់មកហៅរថយន្តសង្គ្រោះ៧១១ នៃមន្ទីរពេទ្យកងពលតូចលេខ៧០ ដឹកយកទៅព្យាបាលនៅមន្ទីរពេទ្យព្រះកុសុមៈភ្លាមៗ ប៉ុន្តែគេពុំដឹងថា តើអាចជួយសង្គ្រោះបាន ឬមិនបាននោះនៅឡើយទេ ?
សមត្ថកិច្ចឱ្យដឹងថា ជនរងគ្រោះគ្មានជំនាញទេ ប៉ុន្តែដោយសារចង់ជួយម្ចាស់ផ្ទះ ទើបជួយលើកដែកដើម្បីឱ្យជាងផ្សារ ក៏ត្រូវចរន្តអគ្គិសនីឆក់តែម្តង ៕
ចែករំលែកព័តមាននេះ